Bütin ýer ýüzünde köp adamlar başgalar bilen dostlaşyp bilmän, özlerini ýalňyz duýýarlar. Käbir lukmanlaryň aýtmagyna görä, adamlara ýagşylyk etmek durmuşyňy manyly edip, özüňi ýalňyz duýmazlyga kömek edýär.

•    «Özümizi başgalardan çetde tutman, mätäçlere kömek etsek durmuşymyz manyly bolar we özümizi känbir ýeke duýmarys» (ABŞ-nyň milli saglygy goraýyş institutlary).

 Mukaddes Kitapda başgalara nädip kömek etmelidigi barada peýdaly maslahatlar bar. Şol maslahatlara eýersek, ýalňyzlyk duýgusyny ýeňip bileris.

 Jomart boluň. Dost-ýarlaryňyz bilen görşüp, bile wagt geçirmek üçin mümkinçilik gözläň. Bar bolan zadyňyzy höwes bilen paýlaşyň. Şeýtseňiz, başgalar size ýürekden minnetdar bolarlar, dostlugyňyz hem berkär.

•    Mukaddes Kitapdan maslahat: «Beriň, şonda size-de bererler» (Luka 6:38).

 Ýagşylyk etmek üçin wagtyňyzy, güýjüňizi gaýgyrmaň. Kyn ýagdaýa düşen adamlara kömek etmäge jan ediň. Olaryň ýüküni ýeňletmek üçin ünsli diňläp duýgudaşlyk bildiriň ýa-da el kömegini beriň.

•    Mukaddes Kitapdan maslahat: «Hak dost... aladaly günüňde dadyňa ýetişýän dogandyr» (Nakyllar 17:17).

 Başgalar bilen nädip gowy gatnaşykda bolmalydygy barada köpräk bilmek üçin «Maşgalaňyz we dostlaryňyz» atly makalany okaň.