Гөз өңүне гетир, биз Эриха шәхеринде яшаярыс. Бу шәхер Кенган юрдунда ерлешйәрди, ол ерде яшаян адамлар Ехова ынанмаярдылар. Рахав атлы аял хем шол шәхерде яшаярды.

Рахав яш гызка, Мусаның Гызыл деңзини икә бөлүши ве ысрайыллыларың Мүсүрден чыкышы барада көп вакалары эшидйәр. Шейле-де ол Ехованың олара душманларыны еңмәге көмек эдендигини эшидйәр. Инди болса ол ысрайыллыларың Эриханың голайына гелендиклерини билйәр.

Бир гүн агшам ики саны ысрайыллы Эриханы гизлинликде гөрмәге гидйәрлер. Олара ичалы дийилйәр. Олар Рахавың өйүне гелйәрлер. Рахав олары мыхман аляр. Шол гиҗе Эриханың патышасы ичалыларың шәхере гелендиклерини ве Рахавың өйүнде галандыкларыны билйәр. Патыша адамларыны иберип, олары гетирмеги буюряр. Рахав олары җайының үстүнде гизлейәр ве гелен адамлара шейле диййәр: «Догруданам, мениң өйүме адамлар гелдилер, йөне олар эййәм шәхерден чыкып гитдилер. Эгер сиз деррев оларың ызындан гитсеңиз, олары тутмагыңыз мүмкин!». Сен Рахавың ичалылара нәме үчин көмек эдендигини билйәрмиң? ~ Ол Ехова ынанярды ве онуң Кенган юрдуны ысрайыллылара берҗекдигини билйәрди.

Ичалылар гитмезден өң, Рахава Эриха шәхери ёк эдиленде машгаласы билен халас болҗакдыгыны айдярлар. Сен ичалыларың Рахава нәме этмеги табшырандыгыны билйәрмиң? ~ Олар оңа шейле дийдилер: «Бу гызыл йүпи ал-да, өйүңизиң айнасына даңып гой. Эгер сен шейтсең, өзүң ве өйүңдәкилериң әхлиси халас болар». Рахав оларың айдышы ялы-да этди. Соңра нәме боландыгыны билйәрмиң? ~

Бирнәче гүн геченсоң, ысрайыллылар шәхериң дашындан сессиз-үйнсүз айланып башладылар. Олар алты гүнләп шәхериң дашындан гүнде бир гезек айландылар. Эмма единҗи гүн болса олар еди гезек айландылар ве гаты сес билен гыгырып башладылар. Ехова шәхериң диварларыны юмруп ташлады. Эмма гызыл йүп асылып гойлан шәхериң бир дивары йыкылмады! Сен оны суратда гөрйәрмиң? ~ Рахав машгаласы билен халас болды!

 Биз Рахавдан нәме өвренип билерис? ~ Рахав Ехова ынанды, себәби онуң эден аҗайып ишлеринден Ол барада көп затлары өвренди. Сен хем Ехова барада көп аҗайып затлары өвренип билерсиң. Сенем Рахав ялы Ехова ынанярмың? ~ Элбетде, ынанянсың!