Бейтелиң машгала агзалары дүрли бөлүмлерде ишлейәрлер. Олар бир я-да бирнәче юртларда вагыз ишини голдаярлар. Олар эдебиятлары терҗиме эдйәрлер, чап эдйәрлер, китапларың сахыпаларыны бирлешдирйәрлер ве олары йыгнаклара уградярлар. Шейле-де эдебиятларың аудио хем-де видео язгыларыны чыкарярлар ве башга-да ваҗып ишлери ерине етирйәрлер.

Филиалың комитети әхли ишлере гөзегчилик эдйәр. Ёлбашчылык маслахаты филиала гөзегчилик этмек ишини филиалың комитетине табшыряр. Бу комитетде үч я-да ондан көп теҗрибели яшулулар гуллук эдйәр. Филиалың комитети гөзегчилик эдйән территориясында ерине етирилйән ишлер ве йүзе чыкян сораглар хакында Ёлбашчылык маслахатына хасабат берйәр. Бу хасабатларың нетиҗесинде, Ёлбашчылык маслахаты эдебиятларда, йыгнак душушыкларында ве конгреслерде хайсы темалара үнс бермелидигини аныклаярлар. Ёлбашчылык маслахаты филиаллара доганлары ызыгидерли уградып, филиал комитетлериниң агзаларына гуллугыны догры ерине етирмәге көмек этмек үчин гөркезме берйәр (Сүлейманың тымсаллары 11:14). Филиалың территориясында яшаянлары рухландырмак үчин йөрите душушык гурналяр ве онда баш эдарадан гелен доган чыкыш эдйәр.

Ерли йыгнакларың аладасы эдилйәр. Филиалдакы җогапкәрли доганлар тәзе йыгнаклары дөретмек бабатдакы меселелери чөзйәрлер. Шейле-де олар филиала дегишли территорияларда гуллук эдйән пионерлериң, миссионерлериң ве этрап гөзегчилериң ишине середйәрлер. Олар конгреслери гурнаярлар, Патышалык залларының гурлушык ишине гөзегчилик эдйәрлер ве йыгнаклара эдебиятларың пайланмагының аладасыны эдйәрлер. Филиалда алнып барылян ишлер вагзың гурамачылыклы ерине етирилмегине ярдам эдйәр (1 Коринтослылар 14:33, 40).

• Филиал комитети Ёлбашчылык маслахаты билен нәдип хызматдашлык эдйәр?

• Филиаллар нәхили ишлере җогап берйәрлер?