1-нҗи бөлүм

Ярадылышдан башлап, бүтиндүнйә тупанына ченли

Гөк билен Ер хем-де Гүн, Ай, йылдызлар ве ердәки көп затлар ниреден пейда болдука? Мукаддес Язгылар булары Худай яратды диййәр. Шонуң үчинем бизиң китабымыз Мукаддес Язгыларың ярадылыш барадакы хекаяларындан башланяр.

Худайың илки билен перишделери ярадандыгыны билерис. Йөне Ер адамлар үчин ярадылыпды. Шонуң үчинем Худай эркеги ве аялы, ягны Адам ата билен Хов энәни ярадып, олары аҗайып багда ерлешдирди. Эмма Адам ата билен Хов эне Худая гулак асман, эбеди яшайшы йитирдилер.

Адам ата ярадыландан, бүтиндүнйә тупанына ченли 1656 йыл гечди. Шол дөвүрде гөзе гөрүнмейән Шейтан ве онуң эрбет перишделери гөкде яшаярдылар. Ерде болса, Кабыл ве башга-да көп эрбет адамлар болуп, оларың арасында пилмахмытлар хем барды. Йөне ер йүзүнде говы адамлар хем яшаярды. Олардан: Хабыл, Ханох ве Нух. БИРИНҖИ бөлүмде шу вакалар хем-де адамлар барада гүррүң гидер.