13-нҗи хекая

Ыбрайым — Худайың досты

БҮТИНДҮНЙӘ тупанындан соң, адамларың гөчүп баран шәхерлериниң бири Ур шәхериди. Ол овадан җайлы белли шәхерди. Йөне онуң яшайҗылары ялан таңрылара сежде эдйәрди. Олар эдил Бабыл шәхериниң яшайҗылары ялыды. Ур хем-де Бабыл шәхериниң яшайҗылары Ехова гуллук эден Нух ве оглы Сам ялы дәлдилер.

Худайың вепалы гуллукчысы Нух, тупандан 350 йыл геченсоң арадан чыкды. Гөни ики йылдан болса, шу суратдакы адам догулды. Худай оны говы гөрйәрди. Бу адама Ыбрайым диййәрдилер. Ол машгаласы билен Ур шәхеринде яшаярды.

Бир гезек Ехова Ыбрайыма йүзленип: «Ур шәхерини, гарындашларыңы гоюп, мениң гөркезҗек юрдума гит» дийди. Ыбрайым Ур шәхериниң рахат дурмушыны терк эдип, Худая гулак асдымыка? Хава, ол хут шейле-де этди. Ыбрайым Худая хемише гулак асаны үчин, Худайың досты хөкмүнде таналярды.

Ур шәхеринден Ыбрайым билен атасы Терах, доганогланы Лут ве бирнәче гарындашы чыкды. Элбетде, Ыбрайым билен биле аялы Сара-да гитди. Бирнәче вагт геченсоң, олар Харана гелдилер, ол ерде Терах арадан чыкды. Олар Ур шәхеринден узакдадылар.

Басым Ыбрайым машгаласы билен Харандан чыкып, Кенган юрдуна гитди. Ол ерде Ехова олара: «Мен бу юрды сениң неслиңе берҗек» дийди. Ыбрайым Кенган юрдунда галып чадырда яшады.

Худай Ыбрайыма көмек этди. Шейдип онуң гоюн ве бейлеки маллардан улы сүрүси хем-де йүзлерче хызматкәри болды. Эмма Ыбрайым билен Сараның чагасы ёкды.

Ыбрайым 99 яшындака Ехова оңа: «Сен көп халкларың атасы боларсың» дийип вада берди. Йөне бу нәдип ерине етеркә, чүнки олар чага эдинерден гаррыдылар?

Барлык 11:27—32; 12:1—7; 17:1—8, 15—17; 18:9—19.