Сиз «Гаравул диңи» журналының соңкы санларыны үнсли окадыңызмы? Онда ашакдакы сораглара җогап бермәге сынанышың.

Доган-уялар билен умыдымыз барада гүррүңдеш болмагың нәхили пейдасы бар?

Ехованың вадалары ерине етенде нәме билен мешгулланҗакдыгымызы доган-уялара гүррүң беренимизде, гелеҗеге болан умыдымыз хас-да беркейәр. Шейле-де биз бирек-биреги рухландырярыс ве Худайың вадаларына иман эдйәндигимизи гөркезйәрис (15/5 сах. 22, 23).

Эзекиел китабындакы Магок юрдундакы Гог кими аңладяр?

Магок юрдундакы Гог Шейтаны дәл-де, агыр мушакгат башлансоң Худайың халкына топулҗак миллетлериң үйшмегини аңладяр (15/5 сах. 29, 30).

Исаның гудратлары онуң җомартлыгыны нәдип гөркезйәр?

Иса Кана шәхериндәки тойда 380 литр сувы шераба өвүрйәр. Башга бир гезек болса гудрат билен 5 мүңден говрак адамы доюряр (Мат. 14:14—21; Яхя 2:6—11). Шейлеликде, Иса гөкдәки Атасының гөрелдесине эерип, җомартлыгыны гөркезйәр (15/6 сах. 4, 5).

Нәз-керешме этмек нәме үчин ховплы?

Кәбирлери нәзли бакышың, сөзлериң ве херекетлериң хич хили зыяны ёкдур өйдйәрлер. Олар җынсы гатнашык этмейәрис дийип өзүни аклаярлар. Йөне нәз-керешме ахлаксыз пикирлере ве гүнә ишлере итерйәр (15/6 сах. 16).

Гүнделик чөрегимиз барада дога этмек нәмәни аңладяр?

Иса гүнделик чөрегимиз барада дога этмеги өвреденде, диңе бир яшайша герекли затлары дәл-де, рухы иймити хем гөз өңүнде тутды. Биз гүнделик чөрегимиз барада дога эденимизде, тебигы бетбагтчылыга учран ве мәтәч доган-уяларымыз үчин хем дилег эдйәрис (15/6 сах. 26).

Биз рухы җеннети нәдип гиңелдип билерис?

Биз рухы җеннети гиңелтмек үчин месихи хәсиетлери өсдүрйәрис. Себәби адамлар көпленч айдян хабарымыза дәл-де, эдим-гылымымыза үнс берйәр. Бу болса олары Ехованың гуллукчысы болмага хөвеслендирйәр. Биз адамлара өзүни Ехова багыш эдип, сувда чокундырылмага көмек эденимизде, рухы җеннети гиңелдйәрис (15/7 сах. 11).

Бейик Бабыл йыкыланда, ялан диниң агзаларының хеммеси хеләк болармы?

Ёк, Закаря 13:4—6-нҗы аятлардан гөрнүши ялы, хатда кәбир дини ёлбашчыларам өз динини терк эдип, ялан дине дегишли дәлдигини айдарлар (15/7 сах. 15, 16).

Месихчилер хайсы затлар барада ойланмалы?

Месихчилер Ехованың ярадан затлары, Мукаддес Язгыларың ваҗыплыгы, дога этмегиң улы хорматдыгы хем-де Худайың сөйги билен берен төлег гурбаны хакда ойланмалы (15/8 сах. 10—13).

Кимдир бири билен душушмакчы болян месихчи нәмәни унутмалы дәл?

Биз Ехова иман этмейән адамлар билен өзүмизи гөдек алып бармаярыс. Эмма өзүни Ехова багыш этмедик хем-де онуң када-канунлары боюнча яшамаян адам билен душушсак, Худайың гөркезмесине гаршы гитдигимиз болар (1 Кор. 15:33) (15/8 сах. 25).

Петруса иманыны беркитмәге нәме көмек этди?

Петрус ресул Иса иман эдйәндиги үчин сувуң йүзүнден йөрейәр (Мат. 14:24—32). Эмма ол гүйчли толкунлары гөренде, горкуп башлаяр. Соңра ол назарыны Иса дикип, онуң көмегини кабул эдйәр (15/9 сах. 16, 17).

Мартаның башга ишлер билен башагай болмагындан нәхили сапак эдинсе болар?

Марта көп зат биширҗек болуп, башагай болярды. Эмма онуң уясы Меръем Исаның өвредйән затларыны диңлейәрди. Иса Меръемиң пайхаслы херекет эдендигини айтды. Бизем әхмиетсиз ишлериң рухы затлардан үнсүмизи совмагына ёл бермели дәл (15/10 сах. 18—20).

Хемише рухы затлар барада ойланмак нәме үчин ваҗып?

Рухы затлар барада ойланмак рухы тайдан өсен месихчи болмага ве иманыңы беркитмәге көмек эдйәр. Ехова хакда ойланмага аз вагт сарп эдйән адам онуң билен достлугыны йитирер, хатда ондан йүз өврүп хем билер (15/10 сах. 26).