Ityakeda yase ka i lu a ufoto kpishi mba ve tesen se akaa a vesen yô. U er tom a ufoto mban nena ve vea wase u-we?

• Kenger ufoto mba ve lu ken ma ngeren la cii ve u hii u ôron un ye. Ufoto mbara vea fatyô u kenden isharen you, nahan kwagh la una mgbegha u u ôron ngeren shon. Ashe a ase ka a nenge kwaghyan una engem yô, i sar se u yan. Nahan pine iyol you wer, ‘Ka ufoto mba nyi m nenge a mi?’—Amo 7:7, 8.

• Er u lu ôron ngeren la, hen er i hii ve i kpera ufoto mbara ker yô. Aluer i nger mkaanem ma pasen ufoto mba shon yô, ôr ma. Nenge er foto la a zough sha itinekwagh i i lu lamen sha mi la, man er u dondo kwagh u u hen ken foto shon la ken uma wou yô.

• U ôron ngeren la u been yô, hide kenger ufoto mbara sha er vea wase u u umbur akaa a vesen a u hen la yô. Maa kusu ashe, kar u nengen a ufoto mbara ken ishima you kua akaa a u hen ker la kpaa.

• Hide kenger ufoto mba ken Iyoukura ne, nahan nenge wea fatyô u umbur akaa a u hen ker la yô.