Mba hiin ayongo vea fatyô u eren kwagh u una na se ure kpishi yô. Aluer mba hendan a mcivir wase man iyol kpe se yô, kwagh la una na ijende yase vea Yehova ia kera taver ga. U kura iyol you shighe u or lu hiin we la nena?

Mbacivir Yehova kpishi yange ve tagher a mba hiin ayongo kpa ve suur sha Yehova, nahan a wase ve u wan ishima. (Ps 18:17) Ikyav i tesen yô, Eseter yange pon ifer i orwan iyongo ugen u i yilan ér Haman la. (Es 7:1-6) Yange hôr kwaghyan u tesen ér un suur sha Yehova cii ve er kwagh ne ye. (Es 4:14-16) Yehova yange kura ior nav kua Eseter shi ver un doo doo.

Ne agumaior, aluer or ngu hiin ne yô sôn nen Yehova a wase ne shi ôr nen a organden shin ormaren wen zayol wen la. Fa nen wer Yehova una wase ne er yange wase Eseter nahan. Ka nyi igen kpa ne fatyô u eren shighe u or nan lu hiin ne?

NENGE VIDIO I IYEV AV—ME ER NAN VE ME WA ISHIMA A IYONGO I MBAGENEV VE LU HIIN MO LAA? MAA NA MLUMUN SHA MBAMPIN MBA VE DONDO NE:

• Ka nyi agumaior aa fatyô u henen ken ikyav i Charlie man i Ferin la?

  Mlumun wou

• Kwagh u Charlie man Ferin ve ôr la tese ér doo u mbamaren vea wase mbayev shighe u i lu nzughul a ve la nena?

  Mlumun wou