Ruamabera wa se kwagh ér se eren a Mbakristu mba ganden er ka ungôôv man uter nahan, mba ve lu agumaior la se eren a ve er ka anmgbianev mba sha tsombor nahan. (Ôr 1 Timoteu 5:1, 2.) Ka anmgbianev mba nomso je i hembe lun hange hange u vea eren a mbakasev sha icivir ye.

Mayange gba u anmgbian u nomso nana hia a u kwase, shin nana er ma kwagh u una na a taver anmgbian u kwase la u van ikyua a nan ga. (Yob 31:1) Aluer anmgbian u nomso u nan lu kwav nan ngu sôôr anmgbian u kwase ga yô, mayange nana de eren kwagh a nan sha gbenda u nana hen er ka ishiôr ga.

Mbatamen ve nenge sha kwagh u anmgbianev mba kasev ve pine sha icivir yô, shin ma kwagh u ve ôr u i gbe hange hange u a nenge shami yô. Mbatamen ka ve hemba veren ishima sha kasev mba ve lu a nom u nana nenge sha a ve ga la.—Ru 2:8, 9.

NENGE VIDIO I TESEN DOOSHIMA U BEEN MAYANGE GA KEN TIÔNNONGO —HEN KASEV MBA CÔGHOLOV MAN MBA VE LU A TER GA LA, MAA NA MLUMUN SHA MBAMPIN MBA VE DONDO NE:

• Anmgbianev mba ken tiônnongo yange ve tese Anmgbian u kwase Myint dooshima sha gbenda u vesen nena?

• Dooshima u tiônnongo yange tese la gema hingir shiada hen ijiir la nena?

• Dooshima u yange tiônnongo tese Anmgbian u kwase Myint la bende a ônov nav mba kasev nena?

Ka sha igbenda i nyi nahan u fatyô u tesen anmgbianev mba kasev mba ken tiônnongo wou dooshima?