U gba Yehova kwagh kpen kpen. (Yes 43:4) A urugh we a va mi hen a na kua ken nongo na. Er u tsegha iyol you shi u er batisema je, u hingir kwagh u Yehova. Shighe u u tagher a mbamzeyol kpa, una nenge sha a we sha ci u ú ngu wan na kpôô kpôô. Una er a we doo doo sha ikyev i nongo na. —Ps 25:10.

Er se doo Yehova ishima kpishi yô, se fatyô u seer tesen ser se wuese un sha u hiden za nengen akaa a nongo na u er sha u wasen mba kwagh a tser ve semberee ne la.

NENGE VIDIO I RIPOTI I KÔMATII U HEMEN UKÔMATII CII I 2019 LA, MAA NA MLUMUN SHA MBAMPIN MBA VE DONDO NE:

• Kômatii u Hemen Ukômatii Cii la ka a wase ubranci mba sha tar cii u wan iyol sha u nan mba kwagh a tser ve la iwasen nena?

• Nongo u Yehova tese kwagh u a er sha u nan mba kwagh a tser ve ken tar u Najeria man Indonesia la iwasen nena?

• Hen shighe u angev mbu Korona ne, ka nyi nongo u Yehova u er i u nenge i doo u we?