ER I HII VE I LU HANGE HANGE YÔ: Ica a gba ga tsô akaa a cieryol a karen ishimataver man jighjigh u se ne Yehova la aa er, sha gbenda u a lu a vande eren ga yô. Zegecan la una hii sha mtim u kwaghaôndo u aiegh. (Mt 24:21; Mp 17:16, 17) Alaghga hen shighe u akaa a kpilighyol ne aa lu eren ne, se lu pasen loho u ijirigh u vihin tsung. (Mp 16:21) Gogi u Magogi una ta num sha a vese. (Esek 38:10-12, 14-16) Nahan maa Yehova una hii “ityav mbi iyange i vesen i Aôndo U Hemban Agee Cii la.” (Mp 16:14, 16) Cii man se seer lun a ishimataver u va tagher a akaa a a va er ken hemen la yô, a gba u se tile dông shighe u se tagher a akaa a karen jighjigh wase hegen yô.

ER SE ER KWAGH NE YÔ:

• Taver ishima kuran atindi a Yehova a we sha kwagh u aeren a wang la.—Yes 5:20

• Za hemen u civir Yehova vea mba civir Yehova mbagen imôngo.—Heb 10:24, 25

• De ngôôr u dondon kwagh u nongo u Yehova u kaa la ga.—Heb 13:17

• Gbidye kwar sha gbenda u Yehova yange yima ior nav la.—2Pe 2:9

• Eren msen hen Yehova shi suur sha a na.—Ps 112:7, 8

NENGE VIDIO I AKAA A A VA ER KEN HEMEN, A AA NA A GBA U SE TAVER ISHIMA YÔ—ANVEGHER VIDIO LA, MAA NA MLUMUN SHA MBAMPIN MBA VE DONDO NE:

• Ka ikyaren i nyi yange mbapasenkwagh mba ken tiônnongo ugen tagher a mi shighe u i magh tiônnongo ve vea ugen laa?

• Aluer se mba ungwan kwagh yô, se seer lun a vangertiôr nena?

• Er nan i gbe u se lu a ishimataver shighe u Armagedon una va laa?

• Ka kwagh u ken Bibilo u han una fatyô u seer taver jighjigh u se ne ser Yehova una yima se laa?—2Kr 20:1-24