4:16-18

ክልተ ስድራ ቤት ኣብ ሓደ ዝዓነወ ህንጻ ኸም ዚነብራ ጌርና እሞ ንሕሰብ። እታ ሓንቲ ስድራ ቤት ኣዝያ ተስፋ ቘሪጻ ኣላ። እቲ ዜገርም ግና እታ ኻልአይቲ ስድራ ቤት ሕጕስቲ እያ። ስለምንታይ፧ እታ ኻልአይቲ ስድራ ቤት ኣብ ዝሓጸረ ግዜ ናብ ምልኩዕን ሓድሽን ገዛ ስለ እትቕይር እያ።

ዋላ እኳ፡ “ኵሉ ፍጥረት ክሳዕ ሕጂ ብሓባር የስቈርቍርን ይሳቐን” እንተ ሃለወ፡ ኣገልገልቲ ኣምላኽ ግና ነዚ ኺጻወሩ ዚሕግዞም ተስፋ ኣለዎም። (ሮሜ 8:22) እቲ ኣብዚ ግዜ እዚ ዜጋጥመና ዘሎ ጸገማት፡ ዋላ እውን እቲ ንዓመታት ዘሳቐየና ጸገማት፡ ምስቲ ኣብ ናይ ኣምላኽ ሓዳስ ዓለም እንረኽቦ ናይ ዘለኣለም ህይወት ኪወዳደር ከሎ፡ “ቀልጢፉ ዚሓልፍን ፈኲስን” ምዃኑ ንፈልጥ ኢና። መንግስቲ ኣምላኽ ኣብ እተምጽኦ በረኸት ምስ እነተኵር፡ ሕጉሳትን ዘይንሕለልን ክንከውን ይሕግዘና እዩ።