• መዝ 69:30, 31—እዘን ፍቕድታት ትሕዝቶ ጸሎትና ኸነመሓይሽ ዚሕግዛና ብኸመይ እየን፧ (w99 15/1 18 ¶11)

  መልስኻ

• ኣብዚ ሰሙን እዚ ኻብ ዘንበብካዮ ንባብ መጽሓፍ ቅዱስ እንታይ መንፈሳዊ ሃብቲ ረኺብካ፧

  መልስኻ

ኣብ ጥሪ 2009፡ ጉባኤ ትምህርቲ መጽሓፍ ምስቲ ኣብ መንጎ ሰሙን ዚግበር ቤት ትምህርቲ ቲኦክራስያዊ ኣገልግሎትን ኣኼባ ኣገልግሎትን ተጠርኒፉ እዩ። እዚ ድማ፡ ንኣባላት ስድራ ቤታት ኣብ ሰሙን ሓንቲ መዓልቲ ንኣምልኾ ስድራ ቤት ኪምድቡ ኣኽኢሉ እዩ። ብዙሓት እዚ መሰናድዎ እዚ፡ ምስ የሆዋን ንሓድሕዶምን ኪቀራረቡ ስለ ዝሓገዞም፡ ሞሳኦም ገሊጾም እዮም።—ዘዳ 6:6, 7።

ንርእስታት ስድራ ቤት፡ ኣምልኾ ስድራ ቤቶም ዕዉት ኪኸውን ዚሕግዞም እንታይ መሰረታዊ ስርዓታት ኣሎ፧

• ስሩዕ ግበሮ። ዚከኣል እንተ ዀይኑ፡ ኣብ ሰሰሙን ኣምልኾ ስድራ ቤት እትገብረሉ ግዜ መድብ። ዘይተሓስበ ነገር ምስ ዜጋጥም መሐለውታ እትኸውን መዓልቲ እውን መድብ

• ተዳሎ። ምስ ብዓልቲ ቤትካ ተማኸሩ፡ ሳሕቲ ደቕኹም ርእይቶ ኺህቡ ድማ ዓድሞም። ብፍላይ ስድራ ቤትኩም ኣብ ሰሰሙን ተመሳሳሊ ንጥፈታት ትገብር እንተ ዀይና፡ ጽዑቕ ምድላው ክትገብር ኣየድልየካን እዩ

• ንስድራ ቤትኩም ከም ዚጥዕም ግበሮ። ቈልዑ ኺዓብዩ ኸለዉ ድሌቶምን ክእለቶምን ይቕይር እዩ። እዚ መደብ ንነፍሲ ወከፍ ኣባል ስድራ ቤትካ ብመንፈሳዊ መዳይ ኪዓብዩ ዚሕግዝ ኪኸውን ኣለዎ

• ተፈታውን ፍዅስ ዝበለን ግበሮ። ጽቡቕ ክሊማ ኣብ ዚህልወሉ እዋን፡ ሓድሓደ ግዜ ኣብ ግዳም ኴንኩም ከተጽንዑ እትኽእሉሉ ዅነታት ሕሰበሉ። ኬድሊ ኸሎ ዕረፍቲ ግበሩ። ኣብዚ መደብ ደቅኻ ብዛዕባ ዜሕልፍዎ ዘለዉ ዅነታት ክትመያየጥ ኣሎካ፣ ይኹን እምበር፡ ንምንቃፍ ወይ ንመግናሕቲ ኣይትጠቐመሉ

• እተፈላለየ ሜላታት ተጠቐም። ንኣብነት፡ ነዚ መደብ ንኣኼባ ንምድላው፡ ኣብ jw.org ዘሎ ቪድዮታት ርኢኻ ንምምይያጥ፡ ንኣገልግሎት ንምድላው ክትጥቀመሉ ትኽእል ኢኻ። ቀንዲ ዕላማ ኣምልኾ ስድራ ቤት፡ ብስድራ ዄንካ ምምይያጥ ምግባር እኳ እንተ ዀነ፡ ኣብዚ መደብ እዚ፡ ኣባላት ስድራ ቤት ናይ ብሕቲ መጽናዕቲ ኺገብሩ እውን ክትጥቀመሉ ትኽእል ኢኻ

ነዛ እትስዕብ ሕቶ ተመያየጡላ፦

• ነዚ ስርዓታት እዚ ኣብ ኣምልኾ ስድራ ቤትካ ብኸመይ ክትትግብሮ ፈቲንካ፧

  መልስኻ