መዝሙር 139
ንሓዳስ ዓለም ብኣእምሮኻ ስኣላ
-
1. ስኣሎ’ሞ በእምሮኻ፡
ሓዳስ ዓለም ብኣካል ኣቲኻ፣
ብናጽነት ኣስተርሒኻ፡
ጃርጃር ኪብል ዋሕዚ ሰላምካ።
ኪጠፍእ’ዩ ዅሉ ኽፍኣት፣
ኪሰፍን’ዩ ናይ ኣምላኽ ግዝኣት።
ክትጽብቕ እያ፡ ክትሕደስ ምድርና፣
ንሕና’ውን ክንዝምር ውዳሰ ምስጋና፦
(ኣዝማች)
“የሆዋ ኣምላኽ፡ ኣየ ተግባርካ!
ብወድኻ ንዅሉ ሓዲስካ።
ንድንቂ ግብርኻ ቓላት ስኢንናሉ፣
ናትካ’ዩ ግርማን ውዳሰን ክብርን ኵሉ።”
-
2. ስኣሎ’ሞ በእምሮኻ፡
ሓዳስ ዓለም ርኣያ ’ማዕዲኻ፣
ኣይኪህሉን ዜፍርሃና፡
ዜስግኣና፡ ዜሸቝርረና።
ኪፍጸም’ዩ ኸምቲ ቓሉ፣
ኬእትወና ትሕቲ ጽላሉ።
ምዉታት ኬተንስእ እዩ ኣምላኽና፣
ንሳቶም’ውን ኪዝምሩ’ዮም ምሳና፦
(ኣዝማች)
“የሆዋ ኣምላኽ፡ ኣየ ተግባርካ!
ብወድኻ ንዅሉ ሓዲስካ።
ንድንቂ ግብርኻ ቓላት ስኢንናሉ፣
ናትካ’ዩ ግርማን ውዳሰን ክብርን ኵሉ።”
(መዝ. 37:10, 11፣ ኢሳ. 65:17፣ ዮሃ. 5:28፣ 2 ጴጥ. 3:13 እውን ርአ።)
