ብዛዕባ ስራሕ ወይ ገንዘብ ተጨኒቕካዶ ትፈልጥ፧ ዜድልየና እናማእረርና ንየሆዋ ዚግብኦ ኣምልኾ ምሃብ ከቢድ ኪኸውን ይኽእል እዩ። ኣብዚ መዳይ እዚ፡ መጽሓፍ ቅዱስ ኪሕግዘና ዚኽእል ግብራዊ ምኽሪ ይህበና እዩ።

1. መጽሓፍ ቅዱስ ብዛዕባ ስራሕ እንታይ ይብል፧

ኣምላኽ ብስራሕና ኽንሕጐስ ይደልየና እዩ። መጽሓፍ ቅዱስ፡ “ንሰብሲ . . . ብጻዕሩ ኻብ ምሕጓስ . . . ዚሓይሽ ሓንቲ እኳ የብሉን” ይብል እዩ። (መክብብ 2:24) የሆዋ ብትግሃት እዩ ዚዓዪ። ንሕና እውን ኣብነቱ ስዒብና ብትግሃት እንተ ዓዪና፡ ንዕኡ ባህ ነብሎ፡ ዕግበት እውን ንረክብ ኢና።

ስራሕ ኣገዳሲ እዩ። ካብቲ ንየሆዋ እነቕርቦ ኣምልኾ ግና ከነቐድሞ የብልናን። (ዮሃንስ 6:27) የሆዋ ንዕኡ ቐዳምነት እንተ ሂብናዮ፡ ብስጋ ዜድልየና ዘበለ ኸም ዜማልኣልና ቓል ኣትዩልና ኣሎ።

2. ብዛዕባ ገንዘብ ኪህልወና ዚግባእ ሚዛናዊ ኣረኣእያ እንታይ እዩ፧

መጽሓፍ ቅዱስ “ገንዘብ ዕቝባ [ኸም] ዚኸውን” ዚገልጽ እኳ እንተ ዀነ፡ ገንዘብ በይኑ ሓጐስ ከም ዘየምጽኣልና እውን የጠንቅቕ እዩ። (መክብብ 7:12) ስለዚ፡ ፍቕሪ ገንዘብ ከይነሕድር መጠንቀቕታ ድሕሪ ምሃቡ፡ “በቲ ዘሎኩም እውን ዕገቡ” ዚብል ምኽሪ ሂቡና ኣሎ። (እብራውያን 13:5 ኣንብብ።) በቲ ዘሎና ንዓግብ እንተ ዄንና፡ ይኣኽለና ዘይምባል ካብ ዜምጽኦ ብስጭት ንገላገል ኢና። ካብ ዘየድሊ ዕዳ ድማ ንስተር ኢና። (ምሳሌ 22:7) ካብ ሓደጋታት ጠላዕን ናይ ኣቋራጭ ሃብትን እውን ነምልጥ ኢና።

3. ከመይ ጌርና ኢና ንገንዘብና ብልግሲ ኽንጥቀመሉ እንኽእል፧

የሆዋ ለጋስ ኣምላኽ እዩ፣ ንሕና እውን “ለጋሳትን መማቐልትን” ብምዃን ንዕኡ ኽንመስሎ ንኽእል ኢና። (1 ጢሞቴዎስ 6:18) ብገንዘብና ንክርስትያናዊት ጉባኤ ብምድጋፍ፡ ንእተሸገሩ ሰባት ብምሕጋዝ፡ ምናዳ ድማ ንክርስትያናት ብጾትና ብምርዳእ፡ ለጋሳት ክንከውን ንኽእል ኢና። የሆዋ በቲ እንህቦ መጠን ዘይኰነስ፡ በቲ ንምሃብ ዜለዓዕለና ድራኸ እዩ ዚግደስ። ካብ ልቢ ለጋሳት እንተ ዄንና፡ ሕጉሳት ንኸውን፡ ንየሆዋ እውን ባህ ነብሎ ኢና።—ግብሪ ሃዋርያት 20:35 ኣንብብ።

 ኣዕሚቝካ ዅዓት

4. ብስራሕካ ንየሆዋ ኣኽብሮ

 5. ዕግበት ይጠቕመና

ብዙሓት ሰባት ብእተኻእሎም መጠን ብዙሕ ገንዘብ ኺድልቡ ይፍትኑ እዮም። መጽሓፍ ቅዱስ ግና ካብዚ እተፈልየ ምኽሪ እዩ ዚህበና። 1 ጢሞቴዎስ 6:6-8 ኣንብብ፡ ድሕሪኡ በዚ ሕቶ ተመያየጡ፦

• መጽሓፍ ቅዱስ እንታይ ክንገብር እዩ ዜተባብዓና፧

6. የሆዋ ዜድልየና የማልኣልና

 ጽማቝ

ዓለማዊ ስራሕን ገንዘብን ኣድላዪ እዩ፣ ንየሆዋ ኸይነገልግል ግና ዕንቅፋት ኪዀነና ኣይግባእን።

ክለሳ

• ብዛዕባ ስራሕ ሚዛናዊ ኣረኣእያ ንምሓዝ እንታይ ኪሕግዘካ ይኽእል፧

• ዕግበት ብኸመይ ይጠቕመካ፧

• ነቲ የሆዋ ንህዝቡ ዜድልዮም ከም ዘማልኣሎም ዝኣተዎ ቓል ከም እትኣምን ብኸመይ ከተርኢ ትኽእል፧