Гузаштан ба маводи асосӣ

Шумораи Шоҳидони Яҳува дар тамоми ҷаҳон чанд нафар аст?

Шумораи Шоҳидони Яҳува дар тамоми ҷаҳон чанд нафар аст?

2024 Ҳисобот

Шоҳидони Яҳува дар тамоми ҷаҳон

9 043 460

Ҷамоатҳо

118 767

Шумораи мамлакатҳое, ки дар онҳо Шоҳидони Яҳува ҳастанд

240

2024 Ҷамъбасти сол

2024 Шумораи мамлакату минтақаҳое, ки ҳисобот доданд

Шумо пайравони динатонро чӣ тавр ҳисоб мекунед?

 Мо танҳо касонеро Шоҳиди Яҳува меҳисобем, ки мавъиза мекунанд, яъне мунтазам дар бораи хушхабари Подшоҳии Худо ба дигарон нақл мекунанд (Матто 24:14). Ба чунин одамон касоне дохил мешаванд, ки чун Шоҳиди Яҳува таъмид гирифтаанд, ё касоне, ки ҳоло таъмид нагирифтаанд, лекин барои хушхабарро ба дигарон расонидан дар ҳаёти худ дигаргуниҳо даровардаанд.

Оё барои Шоҳиди Яҳува шудан хайрия кардан даркор аст ё не?

 Не. Барои Шоҳиди Яҳува шудан ё дар ҷамоати Шоҳидони Яҳува соҳиби ягон таъйинот гардидан аз одам хайрия талаб карда намешавад (Корнома 8:18–20). Хайрияҳо дар ташкилоти мо ба таври номаълум карда мешаванд, яъне одамон номаълум дар қуттии хайрия пул партофта метавонанд. Ҳар як Шоҳиди Яҳува вақт, пул ва қуввати худро чун хайрия барои пешравии кори умумиҷаҳонии ташкилотамон мувофиқи хости худ сарф мекунад (2 Қӯринтиён 9:7).

Шумо пайравони фаъоли динатонро чӣ хел муайян мекунед?

 Ҳар моҳ Шоҳидони Яҳува ба ҷамоати маҳаллашон дар бораи фаъолияти худ ҳисобот месупоранд. Супоридани чунин ҳисобот ихтиёрист.

 Ҳисоботи ҷамоатҳои ҳар як маҳал ҷамъ карда шуда, ба филиали Шоҳидони Яҳува, ки ба ҳамон маҳал ҷавобгар аст, фиристода мешавад. Филиалҳо бошанд, дар навбати худ ин ҳисоботро ба идораи марказии Шоҳидони Яҳува мефиристанд.

 Дар охири ҳар як соли хизматӣ a шумораи баландтарини Шоҳидони Яҳува дар муддати ҳамон сол ҳисоб карда мешавад ва маълум карда мешавад, ки дар тамоми ҷаҳон чанд нафар Шоҳиди Яҳува фаъолият мекунанд. Ҳисоботи ҳар як мамлакат дар сомонаи мо дар саҳифаи «Дар саросари ҷаҳон» гузошта мешавад. Мисли масеҳиёни асри як мо аз чунин ҳисобот рӯҳбаландӣ мегирем (Корнома 2:41; 4:4; 15:3).

Оё шумо касонеро, ки ба ташкилотатон ҳамроҳ нестанду хушхабарро ба дигарон мерасонанд, Шоҳиди Яҳува ҳисоб мекунед?

 Не. Лекин, вақте онҳо ба вохӯриҳои мо меоянд, мо хеле хурсанд мешавем. Аксари онҳо ба Шоми ёдбуди марги Масеҳ, ки ҳар сол баргузор мегарад, меоянд. Шумораи нафароне, ки ҳар сол ба Шоми ёдбуд меоянд, ҳисоб карда мешавад. Соли 2024 ба ин маросим 21 119 442 нафар омада буданд. Агар аз ин рақам шумораи Шоҳидони Яҳуваро тарҳ кунем, мефаҳмем, ки ба ғайр аз аъзоёни ташкилотамон боз чанд нафар ба ин вохӯрӣ ташриф оварда буд.

 Бо бисёр касоне, ки ба вохӯриҳои мо намеоянд, омӯзиши бепули Китоби Муқаддас гузаронда мешавад. Соли 2024 мо ба ҳисоби миёна ба 7 480 146 нафар Китоби Муқаддасро таълим додем (баъзан дар як вақт бо якчанд нафар омӯзиш гузаронда мешуд).

Барои чӣ шумораи Шоҳидоне, ки ташкилоти давлатӣ ба қайд гирифтааст, аз шуморае, ки шумо менависед, зиёдтар аст?

 Ташкилоти давлатӣ одатан, вақти ба қайд гирифтан аз худи одамон мепурсанд, ки онҳо ба кадом дин ё мазҳаб тааллуқ доранд. Масалан, Бюрои бақайдгирии аҳолии ИМА қайд мекунад, ки мақсади онҳо «муайян кардани он аст, ки шахс худро пайрави кадом дин меҳисобад» ва илова мекунад, ки ин рақамҳо «шояд он қадар дуруст набошанд». Аммо мо ҳама одамонеро, ки худро Шоҳиди Яҳува меҳисобанд, чун Шоҳиди Яҳува ба қайд намегирем. Мо танҳо касонеро ҳисоб мекунем, ки дар бораи фаъолияташон ҳисобот медиҳанд.

a Соли хизматӣ аз 1 сентябр то 31 август давом мекунад. Масалан, соли хизматии 2015 якуми сентябри 2014 сар шуд ва 31 августи 2015 тамом шуд.