5 Мӯсо 34:1-12
34 Сипас Мӯсо аз даштҳои Мӯоб ба кӯҳи Набӯ+ ба баландии Фисҷа,+ ки дар рӯ ба рӯйи Ериҳӯ+ ҷойгир буд, баромад. Яҳува ба ӯ тамоми заминро нишон дод: аз Ҷилъод то Дон,+
2 тамоми замини Нафтолӣ, тамоми замини Эфроим ва Менашше, тамоми замини Яҳудоро то баҳри ғарбӣ*,+
3 Негеб,+ ноҳияи Урдун+ ва водии Ериҳӯ, шаҳри нахлҳоро, то Сӯар.+
4 Баъд Яҳува ба ӯ гуфт: «Ин аст замине, ки ман ба Иброҳим, Исҳоқ ва Яъқуб қасам хӯрда, гуфта будам: “Онро ба насли ту медиҳам”.+ Ман ба ту иҷозат додам, ки онро бо чашмонат бубинӣ, аммо ту ба он намедароӣ».+
5 Сипас Мӯсо, бандаи Яҳува, дар он ҷо, дар замини Мӯоб, мурд, ҳамон тавре ки Яҳува гуфта буд.+
6 Ӯ* Мӯсоро дар водии замини Мӯоб, ки рӯ ба рӯйи Байт-Фаӯр буд, гӯр кард. То ба имрӯз ҳеҷ кас намедонад, ки қабри ӯ дар куҷост.+
7 Дар вақти мурданаш Мӯсо 120-сола буд+ ва чашмонаш хира ва қувваташ тамом нашуда буд.
8 Мардуми Исроил барои Мӯсо дар даштҳои Мӯоб 30 рӯз мотам гирифтанд.+ Баъд рӯзҳои навҳаю мотам барои Мӯсо тамом шуд.
9 Юшаи писари Нун аз рӯҳи хирад пур буд, зеро Мӯсо бар вай даст гузошта буд+ ва исроилиён ба ӯ гӯш медоданд ва онҳо, ҳамон тавре ки Яҳува ба Мӯсо фармуда буд, амал мекарданд.+
10 Аммо дар Исроил мисли Мӯсо дигар пайғамбаре ба миён наомад,+ ки Яҳува ӯро рӯ ба рӯ шиносад.+
11 Яҳува ӯро ба замини Миср фиристода буд, то дар пеши фиръавн, ҳамаи хизматгоронаш ва дар тамоми заминаш аломату муъҷизаҳо нишон диҳад ва ӯ ҳамаи ин аломату муъҷизаҳоро ба амал овард.+
12 Мӯсо пеши назари тамоми Исроил дасти пурзӯру корҳои аҷоиб нишон дод.+
