Панднома 9:1-18
9 Ҳикмат хонаи худро бино кардааст,Ҳафт сутуни онро тарошидааст.
2 Ӯ гӯшт тайёр кардааст,Шаробро омехта намудаастВа дастархон оростааст.
3 Ӯ канизони худро фиристодааст,То аз баландиҳои шаҳр фарёд зананд:+
4 «Ҳар кӣ сода аст, ин ҷо биёяд».
Ӯ ба ҳар кӣ ақли расо надорад, мегӯяд:
5 «Биёед, нони маро бихӯредВа шароберо, ки омехтаам, бинӯшед.
6 Аз содагӣ даст кашед ва умри дароз бинед,+Бо роҳи фаҳм қадам занед».+
7 Касе, ки нописандро* ислоҳ мекунад, беобрӯ мегардад+Ва касе, ки бадкорро танбеҳ медиҳад, бар сари худ нанг меорад.
8 Нописандро* танбеҳ надеҳ ки, дар назараш шум мешавӣ.+
Хирадмандро танбеҳ деҳ ва ӯ туро дӯст хоҳад дошт.+
9 Хирадмандро сабақ омӯз ва ӯ бохирадтар мешавад,+Росткорро таълим деҳ ва ӯ ба донишаш дониш зам мекунад.
10 Тарс аз Яҳува оғози хирад аст+Ва дониши Худованди Пок+ фаҳм мебахшад.
11 Агар маро* ба даст орӣ, рӯзҳои ҳаётат зиёд мешавад+Ва ту умри дароз мебинӣ.
12 Агар хирадманд шавӣ, ба фоидаи худат мешавӣ,Агар нописанд* шавӣ, азобашро худат мекашӣ.
13 Овози зани аблаҳ баланд аст.+
Ӯ сабукмағз аст ва чизеро намедонад.
14 Вай дар даҳани дари хонааш,Дар баландиҳои шаҳр нишаста,+
15 Сӯйи раҳгузарон, онҳое, ки бо роҳи худ равонаанд,Фарёд мезанад:
16 «Ҳар кӣ сода аст, ин ҷо биёяд».
Ӯ ба ҳар кӣ ақли расо надорад, мегӯяд:+
17 «Оби дуздӣ ширин аст,Нони баҷоӣ* бамаза аст»,+
18 Аммо онҳо намедонанд, ки хонаи ӯ макони мурдаҳои беҷон астВа меҳмонони вай дар чуқурии гӯр мебошанд.+
