Ишаъё 46:1-13
46 Бил* хам мешавад,+ Набӯ сари таслим фуруд меорад.
Бутҳои онҳо бар пушти ҳайвонҳо, чорпоёни борбардор, гузошта шудаанд,+Боре ҳастанд, ки ба ҳайвонҳои хаста вазнинӣ мекунад.
2 Онҳо якҷоя хам шуда меафтанд,Борро* халос карда наметавонандВа худашон ҳам ба асирӣ мераванд.
3 «Ба ман гӯш диҳед, эй хонадони Яъқуб ва эй тамоми бақияи хонадони Исроил!+Ман шуморо аз вақти таваллуд дастгирӣ мекардам ва аз вақти зода шуданатон мебардоштам.+
4 То пирии шумо ман дигар намешавам,+То сафед шудани мӯятон шуморо бардошта мегардам.
Чуноне ки пеш мекардам, аз ин пас ҳам шуморо мебардорам, бар худ бор мекунам ва наҷот медиҳам.+
5 Маро ба кӣ монанд мекунед, ба кӣ баробар медонед ва бо кӣ қиёс менамоед?+
Кист, ки мисли ман бошад?+
6 Онҳо аз ҳамёнашон тилло мерезанд,Нуқраро бар тарозу бармекашанд,Заргарро киро мекунанд ва ӯ худое месозад.+
Пас аз ин пеши он саҷда мекунанд ва онро мепарастанд.+
7 Онро ба китфашон мегузоранд,+Бурда, ба ҷояш мемонанд ва он меистад.
Он аз ҷояш намеҷунбад.+
Онро зорӣ мекунанд, вале ҷавобе намедиҳад,Касеро аз фалокат наҷот дода наметавонад.+
8 Инро дар хотир доред ва далер бошед.
Ба ин диққат диҳед, эй гунаҳкорон!
9 Чизҳои пешина, чизҳои қадимаро, ба хотир оред,Ба ёд оред, ки ман Худо ҳастам ва дигаре нест.
Ман Худо ҳастам ва мисли ман касе нест.+
10 Ман оқибатро аз аввалВа чизеро, ки ҳанӯз рӯй надодааст, аз қадим пешгӯйӣ мекунам.+
Ман мегӯям: “Нияти* ман амалӣ хоҳад шуд+Ва хости худро ба ҷо хоҳам овард”.+
11 Ман аз ҷониби офтоббаро парандаи соҳибчанголеро меорам,+Аз замини дурдаст касеро мехонам, ки ниятамро ба ҷо меорад.+
Он чиро гуфтам, ба ҷо меорамВа он чиро ният кардам, амалӣ месозам.+
12 Ба ман гӯш диҳед, эй касоне, ки дили якрав доред,Эй онҳое, ки аз росткорӣ дуред!
13 Замоне ки росткориямро нишон медиҳам, наздик аст,Он дур нест,Наҷот аз сӯйи ман дер намеояд.+
Ман Сионро наҷот медиҳамВа ба Исроил шукӯҳамро мебахшам».+
