Ишаъё 40:1-31
40 «Тасаллӣ диҳед, халқи маро тасаллӣ диҳед,— мегӯяд Худои шумо.+—
2 Ерусалимро дилбардорӣ кунед,Ба ӯ бигӯед, ки хизмати маҷбурияш ба охир расидаастВа ӯ музди гуноҳашро пардохтааст.+
Ӯ барои тамоми гуноҳҳояш аз дасти Яҳува сазои пурра* гирифтааст».+
3 Касе дар биёбон нидо мекунад:
«Роҳро барои Яҳува тайёр* кунед!+
Барои Худои мо дар дашт шоҳроҳи+ росту ҳамворе бисозед.+
4 Бигзор ҳар дара пур шавадВа ҳар кӯҳу теппа паст гардад.
Замини каҷу килеб рост шавадВа ҷойи пурнишебу фароз водии ҳамвор гардад.+
5 Он вақт ҷалоли Яҳува ошкор мешавад+Ва ҳар инсон инро мебинад,+Зеро инро даҳони Яҳува гуфтааст».
6 Гӯш деҳ! Як кас мегӯяд: «Эълон намо!»
Дигаре мепурсад: «Чиро эълон намоям?»
«Одамизод мисли алаф аст,Меҳру вафояш мисли гули саҳрост.+
7 Вақте дами* Яҳува бивазад,+Алаф хушк мешавадВа гул пажмурда мегардад.+
Бешак, одамизод алаф аст.
8 Алаф хушк мешавадВа гул пажмурда мегардад,Вале каломи Худои мо то абад мемонад».+
9 Ба кӯҳи баланд баро,Эй зане, ки ба Сион хабари хуш мерасонӣ.+
Бо тамоми овоз фарёд зан,Эй зане, ки ба Ерусалим паёми шодӣ меорӣ.
Натарс, овозатро баланд намо,Ба шаҳрҳои Яҳудо эълон кун: «Ана Худои шумо!»+
10 Парвардигор Яҳува бо қудрат хоҳад омадВа бозуяш барояш ҳукмронӣ хоҳад кард.+
Мукофот дар дасташ астВа музде, ки ӯ медиҳад, пеши ӯст.+
11 Ӯ мисли чӯпон ба рамаи худ ғамхорӣ хоҳад кард,+Бо дасташ баррагонро ҷамъ оварда,Онҳоро ба оғӯш хоҳад гирифт.
Ӯ бо меҳрубонӣ мешони ширдеҳро роҳнамоӣ хоҳад намуд.+
12 Кӣ оби баҳрҳоро бо кафи даст чен кардааст+Ва кӣ осмонро бо ваҷаб андоза намудааст?
Кӣ хоки заминро дар зарфе* ғунҷондааст+Ва кӯҳҳову теппаҳоро дар паллаи тарозу баркашидааст?
13 Кӣ рӯҳи Яҳуваро чен кардааст*?
Кӣ маслиҳатгари ӯ шудааст ва ӯро таълим додааст?+
14 Бо кӣ ӯ маслиҳат кардааст, то бофаҳм шавад?
Кӣ роҳи адлу инсофро ба ӯ таълим додааст?
Кӣ ба ӯ дониш омӯзондаастВа роҳи фаҳму даркро ба ӯ нишон додааст?+
15 Охир, халқҳо дар назари ӯ қатрае аз сатилВа чанге бар тарозуянд.+
Ана, ӯ ҷазираҳоро чун ғубор мебардорад.
16 Ҳатто дарахтони Лубнон барои нигоҳ доштани оташ* камӣ мекунандВа ҳайвонҳои он барои қурбонии сӯхтанӣ кофӣ нестанд.
17 Тамоми халқҳо дар пеши ӯ ночизанд+Ва дар назари ӯ ҳеҷу пучанд.+
18 Худоро бо кӣ муқоиса мекунед+Ва ӯро ба кӣ монанд мекунед?+
19 Усто бут мерезад,Заргар онро бо тилло рӯпӯш мекунаду+Занҷирҳои нуқрагин месозад.
20 Кас барои ҳадияи худ дарахте интихоб мекунад,+Дарахтеро, ки намепӯсад,Ва устои моҳиреро меҷӯяд,То буте битарошад, ки чаппа намешавад.+
21 Магар намедонед?
Магар нашунидаед?
Магар ба шумо инро аз аввал нагуфтаандВа аз бунёди замин инро нафаҳмидаед?+
22 Ӯ ҳамон аст, ки бар доираи* замин сокин аст,+Ва бошандагони он мисли малаханд.
Ӯ осмонро чун матои нафис паҳн кардааст,Чун хаймае барои зист боз намудааст.+
23 Ӯ сарваронро ночиз мегардонад,Доварони* заминро ҳеҷу пуч месозад.
24 Ҳанӯз онҳо шинонда нашуда,Ҳанӯз кошта нашудаВа ҳанӯз дар замин реша надавонда,Бод мевазаду онҳоро хушк мекунадВа шамол онҳоро мисли коҳ мебарад.+
25 «Маро ба кӣ монанд мекунед ва ба кӣ баробар месозед? — мегӯяд Худои Пок.—
26 Чашмони худро сӯйи осмон бардошта, бубинед:
Кӣ ҳамаи инро офаридааст?+
Ҳамоне, ки лашкари онҳоро як ба як шумурда, берун меоварад,Ӯ ҳамаи онҳоро ба номашон мехонад.+
Азбаски тавоноияш бепоён ва қувваташ бузург аст,+Ҳамаи онҳо дар ҷойи худ ҳастанд.
27 Эй Яъқуб, чаро чунин мегӯӣ ва, эй Исроил, чаро чунин сухан меронӣ:
“Роҳи ман аз назари Яҳува пинҳон астВа Худо ба ман адлу инсоф намекунад”?+
28 Магар намедонӣ? Магар нашунидаӣ?
Яҳува, Офаридгори гӯшаву канори замин, Худои ҷовид аст.+
Ӯ ҳаргиз монда намешавад ва бемаҷол намегардад.+
Фаҳму хиради ӯ ақлнорас аст.+
29 Ӯ ба хаста қувват медиҳадВа бемадорро неруи тоза мебахшад.+
30 Бачагон монда мешаванд ва бемаҷол мегарданд,Ҷавонон пешпо мехӯранд ва меғалтанд,
31 Аммо онҳое, ки ба Яҳува умед мебанданд, қуввати нав меёбанд.
Онҳо чун уқоб дар баландиҳо парвоз мекунанд.+
Онҳо медаванд ва бемаҷол намешаванд,Роҳ мераванд ва хаста намегарданд».+
Поварақҳо
^ Ё «дучанд».
^ Ё «тоза».
^ Ё «рӯҳи».
^ Дар матни асл «дар сеяк»-и ченаке, ки маълум нест.
^ Ё, эҳтимол, «ба рӯҳи Яҳува сарфаҳм рафтааст».
^ Ё «барои аловӣ».
^ Ё «кураи».
^ Ё «Ҳокимони».
