Ишаъё 35:1-10
35 Биёбон ва замини хушк хурраму шукуфон хоҳад шуд,+Дашт хурсандӣ хоҳад кард ва мисли заъфарон хоҳад шукуфт.+
2 Он пур аз гул хоҳад шуд,+Хушҳол шуда аз хурсандӣ нидо хоҳад кард.
Ҷалоли Лубнон ва шукӯҳи Кармилу+ Шорӯн+Ба он ато хоҳад шуд.+
Мардум ҷалоли Яҳува, шукӯҳи Худои моро, хоҳад дид.
3 Дастҳои бемаҷолро қавӣ созедВа зонуҳои ларзонро қувват бахшед.+
4 Ба касоне, ки дилашон хавотир аст, бигӯед:
«Қавӣ бошед, натарсед!
Худои шумо барои интиқом гирифтан,Барои ҷазо додан, меояд.+
Ӯ омада, шуморо наҷот медиҳад».+
5 Он вақт чашмони кӯрон кушода мешавад+Ва гӯшҳои карон воз мегардад,+
6 Ланг мисли гавазн ҷастухез менамояд+Ва забони гунг аз шодӣ нидо мекунад.+
Он вақт дар биёбон обҳо ҷӯш мезанандВа дар дашт ҷӯйҳо ҷорӣ мешаванд,
7 Замини хушкида кӯли пур аз қамиш мегардадВа замини ташналаб ба чашмаҳои об табдил меёбад.+
Дар ҷое ки лонаи шағолон буд,+Сабза, қамиш ва най* мерӯяд.
8 Он ҷо шоҳроҳе хоҳад буд,+Роҳе, ки Роҳи покӣ номида мешавад.
Каси нопок бо он равона намешавад.+
Он барои касонест, ки бо ин роҳ мераванд,Ва ягон беақл аз он гузар намекунад.
9 Шере дар он нахоҳад будВа даррандагон ба он қадам нахоҳанд монд.
Аз онҳо дар он нишоне нахоҳад буд,+Фақат бозхаридагон бо он равона мешаванд.+
10 Бозхаридагони Яҳува бармегарданд+ ва бо нидоҳои шодӣ ба Сион меоянд.+
Шодмонии беинтиҳо тоҷи сари онҳо хоҳад буд.+
Онҳо аз шодиву хурсандӣ пур мешаванд,Ғам ва оҳу воҳ аз онҳо дур мегардад.+
