Забур 50:1-23
Таронаи Осаф.+
50 Худои худоён, Яҳува,+ сухан ронд.
Ӯ аз шарқ то ғарбТамоми халқи заминро ҷамъ меорад.
2 Аз Сион, ки камоли зебоист,+ Худо нур меафканад.
3 Худои мо меояд ва хомӯш нахоҳад монд.+
Дар пеши ӯ оташи сӯзанда аст+Ва дар гирдаш — тӯфони хурӯшон.+
4 Ӯ осмон ва заминро даъват мекунад,+То халқашро доварӣ кунад.+
5 Ӯ мегӯяд: «Содиқони маро ҷамъ оред,Касонеро, ки ба воситаи қурбонӣ бо ман аҳд бастаанд».+
6 Осмон росткории ӯро эълон мекунад,Зеро Худо Довар аст.+ (Село)
7 «Эй халқам, маро бишнав ва ман сухан меронам,Эй Исроил, ман бар зидди ту шаҳодат медиҳам.+
Ман Худо, Худои туям.+
8 Туро на аз барои қурбониҳоят сарзаниш мекунамВа на барои қурбониҳои сӯхтаниат, ки доимо дар пеши мананд.+
9 Ман ба буққаи хонаатВа ба нарбузи оғилат зор нестам,+
10 Зеро тамоми ҳайвоноти ҷангал аз они ман аст,+Ҳайвонҳое, ки бар ҳазорҳо кӯҳҳоянд.
11 Ҳар як мурғи кӯҳсорро медонам+Ва ҷонварони бешумори саҳро аз они мананд.
12 Агар гушна мемондам, ба ту намегуфтам,Зеро замин ва ҳар чӣ дар он аст, аз они мананд.+
13 Магар ман гӯшти говонро мехӯрамВа хуни бузонро менӯшам?+
14 Бигзор қурбонии ту барои Худо шукрона бошад.+
Назрҳои* худро дар пеши Худои Таоло иҷро намо.+
15 Дар рӯзи тангӣ маро бихон,+Ман туро наҷот хоҳам дод ва ту маро ҷалол хоҳӣ дод».+
16 Вале ба бадкор Худо мегӯяд:
«Ту чӣ ҳақ дорӣ, ки дар бораи дастурҳои манВа дар бораи аҳди ман+ гап занӣ?+
17 Охир, ту аз насиҳат нафрат дорӣВа суханони маро пушти по мезанӣ.+
18 Кори дуздонро меписандӣ*+Ва ба зинокорон шарик мешавӣ.
19 Бо даҳонат суханони бадро паҳн мекунӣВа ба забонат фиреб часпидааст.+
20 Нишаста, бар зидди бародарат сухан меронӣ,+Фарзанди модаратро беобрӯ месозӣ*.
21 Вақте чунин кардӣ, ман хомӯш мондам,Аз ин рӯ ту фикр кардӣ, ки ман ҳам мисли туям,Вале ҳоло ман туро сарзаниш мекунамВа туро айбдор хоҳам кард.+
22 Инро бифаҳмед, эй касоне, ки Худоро фаромӯш кардаед,+Вагарна ман шуморо пора-пора мекунам ва шумо ба халосгар зор мешавед.
23 Касе, ки шукронаро ҳамчун қурбонии худ пешкаш мекунад, маро ҷалол медиҳад.+
Ба касе, ки дар роҳи рост устувор аст,Наҷоти Худоро нишон хоҳам дод».+
