Ijai oni toma akwap naitusubit iboro lueroko bala luejokuka. (Isa 5:20) Nukaiturur, iswamaete itunga ice iboro luelait Yawe, aimoriarit ikiliok aelo ka ikiliok arai angor aelo keda angor. Epedorete idwe ice kosomero arai bo nat icetunga aingalakin idwewok atupakin aswamisiokec nueroko. Epone bo ani ipedoria jo aingarakin idwekon atereikin kationis angin?

Kisisianak idwekon kojenutu aicoreta nuka Yawe. (Leb 18:3) Motimot ido kotupite ikarukec, komorata keda idwekon nuebala Ebaibuli kanuikamunitos aelo. (Ikis 6:7) Ingitakin ber jo ebe: ‘Esisianakinit kereka eong ikadwe nuikamunitos epone loajokan loitodikinet luce amin, ajokis na kes anapit igoen luajokak, keda ibore yenibusakinitor luce anyongit atutubena nukaiyeyea nuka awatekec? Ejenete kereka ikadwe nuiswama arai itodik itunganan kes aputosia nuimujalalas arai bo kelimokin kes aswam ibore yenelait Yawe?’ Alingakin aisisianakin idwe nuikamunitos akiro ngun ingarakini kes aisac atiokisio. (Awa 27:12; Lim 7:12) Naisisianakinia jo kes, itoduni jo ebe imina jo idwekon luebala Ebaibuli ebe eraas airumet naka Yawe.​—Sab 127:3.

KOSESEN EBIDIO KODUK ETOGO LOEGOGONG​—KOYUU IDWEKON KOTOMA “ARONIS,” KOSODETE ABONGONOKIN AINGISETA NUTA:

• Kanukinyo ekuriakatar auriak ice aisisianakin idwekec nuikamunitos aelo?

• Kanukinyo ibusakinitor auriak ‘asaenen idwekec kariemiriem ka aituutoor naka Ejakait”?​—Pes 6:4

• Inyoin bo ijaikinit atukot naka Yawe kanu aingarakin auriak aisisianakin idwekec nuikamuitos aelo?​—w19.05-E 12, asaduku

• Kanukinyo ibusakinitor jo einer duc keda idwekon eringa ationis etakanuna?