Ingarakinito ainacan noi kotoma aswam naka Ajakanut. (Sab 68:11) Isisiaete kesi Ebaibuli keda itunga luipu ido irejula paiyonias luipu eraasi angor. Ainacan ilukumin luipu iswamaete kagogong kotoma aijaanakin kwape ibetelin, imisionaris, adukok aiboisio nuka aima, keda kwape ejulak. Ainacan nuemisiaritos itogogongitos ikaliakec keda atukona. (Awa 14:1) Karaida mam ainacan epedorete aijaanakin kwape imakio arai bo ejaanakinak, epedorete kesi ajaut keda alosikineta nuka aijaanakin kotoma atukot. Arai irai jo inac, epone bo ani ipedoria jo adolokin arerengusio nuka aijaanakin kotoma atukot?

• Koduk iponesio lukajokak.​—1Tim 3:11; 1Pet 3:3-6

• Ingarak ainacan numam emisiaritos kotoma atukot.​—Tit 2:3-5

• Kitojooka alimonokinikon ido iyatak isawanakon luka alimonokin

• Kisisiau angajep ace

• Kolot aiboisit naepol eipud loka ikalimonokinak

• Kileleb afoomu naka aswam koBetel keda aingarakin kotoma aiduk aiboisio nukaima

• Kileleb afoomu naka Esomero Loka Ikalimonokinak Akiro Nuka Ajakanut

KOSESENATA EBIDIO “ANGOR NUISWAMAETE KAGOGONG KANUKA EJAKAIT,” KOSODETE ABONGOKIN AINGISET NA:

• Epone bo ani apotu akiro nuka nginiinac kisinyikokiniata jo?