Kwape ka airiamununeta ace nuka atukot, airiamununeta nuka alosit alimonokin, eraasi ainakinet kaneejai Yawe naisipedoori oni aisinyikonokin bonik kotoma amin ka aswam nuejok. (Bur 10:24, 25) Ibusakinit airiamununeta nuka alosit alimonokin adaun idakikan ikany toni ikanyaarei, aimoriarit aitemonokin egurupu, akoronakin aiboisit naka alimonokin, keda ailip. (Arai ejaikin airiamun na akaulo naka airiamununeta ace, ibusakinit aituurian.) Ibusakinit onac loingarenikini airiamunna aitemokin akiro nuingarakinete iinacan luebeit alosit alimonokin. Kwape aanyunet, Naemukaaga naejaatar itunga luipu lumam elimonokinitos ageun amukaga natubor, ibusakinit alimokin iinacan nuepedorete kesi alimun. Anyoika bobo akiro ace nuaticepak ejokuna aitetem?

• Nuipedori ijo alimun nuejaasi toma Oitabo Loka Aijarawok Naka Ekristayone ka Alimonokin​—Eitabo Loka Airiamununeta

• Epone loipedoria oni aitegear einer ketosomaete akiro nuiswamauna, arai bo nuka iyemuto

• Epone loipedoria oni abongokin ngul luetamitos aitukurwoor oni

• Epone loipedoria oni abongokin ngul lumam iyuunito ebe ejai Edeke, ngul luiyuunito ebe irai kolo oni itiang, ngul luinerasi angajep ace, arai ngul luejaasi odiinin luemameete katutubetekon

• Epone loipedoria oni aitosom iboro luejaasi olago loka jw.org, JW Library^® app, arai bo nat Ebaibuli

• Epone loipedoria oni aitosom idiope Koborowok Luka Aisisianakin

• Epone loipedoria oni alimonokin koponesio luegelegela, kwape nat aitosom esimu, aiwadik ibaluwan, abongonor, arai bo aisisia Ebaibuli keda itunganan

• Aisiitinikineta nuka ayuwara, akapakina aijulakin epone loka alimonokiniwok katupitos ejautene, iponesio lukajokak, ajaut keda aomisio nukajokak, ka ace da

• Aisisiaet arai ebidio kotoma aburocua Aitojokaar Aisiom Keda Aisisianakin

• Epone loisinyikokinet ka aingarakin itunganan yeneupara kajo alimonokin

• Ekokoro loiriamara keda alimonokin arai bo akiro nuisinyikokinete nuedumunitai kotoma alimonokin