Kotoma Obaluake loewadikakinit nges Tito, abu ekiyakia Paul icorak atumunak lusap aimoriarit Tito da akokanit araun “aanyunet naka aswamisio nuejok.” (Tit 2:6, 7) Ido ekaulo, kosula kangope kangol, abu nges itodu ebe eraasi itunga luka Yawe luelaete tetere aticepak kes epedorete araun “luekokakinito aswamisio nuejok.” (Tit 2:14) Adiope kotoma aswamisio kangun nges alimonokin ka aisisianakin akiro nukajokak nuka Ajakanut Naka Edeke. Arai irai jo atumunan, ipedori kereka jo aitosom akonigogong kotoma aijaanakin kwape okisiliari arai erejula paiyonia?​—Awa 20:29.

Arai ikoto jo aijaanakin kwape epaiyonia, itolom ainapeta nuipedori jo aitodolikin kanu araun epaiyonia. (Luk 14:28-30) Kwape aanyunet, epone bo ani ipedoria jo adumun ikapun kanu aigang akonikuan ijaanakini jo kwape epaiyonia? Epone bo ani ebeitor ijo aitodolikin isawan luipudai? Kojautene ediokere, ilip neejai Yawe aingarakin ijo. (Sab 37:5) Omor keda auriakakon arai bo nat ka iinacan luadautu apak naepol ijaanakinete kwape ipayonias ainapetakon nuka aipayoniaring. Kotupak do ngun tetere itodolikini alosikinetekon. Kabeit, ebuni Yawe aisirereng akukuranutukon kotoma aijaanakin nges!

KOSESENATA EBIDIO ATUMUNAK LUIJAIKINITO YAWE AIBUSES, KOSEDETE ABONGOKIN AINGISETA NU:

• Ani bo ainingosio ace nuepikosi ice kotoma aijaanakin kwape ipaiyonias, ido epone bo ani apotu kesi iswamatar ngun?

• Epone bo ani epedoriata auriak aingarakin ikecedwe araun ipaiyonias?

• Kanukinyo ejokunar ajaut keda ainapeta nuka alimonokin?

• Epone bo ani epedoriata iinacan aisinyikokin ka aingarakin epaiyonia?

• Ani bo arerengusio edumununete ngun luijaanakinete kwape ipaiyonias?