Iyalama oni noi adumun aburocua naitetet keda eitabo loitetet kanu aisisia keda itunga Ebaibuli! Ilipi kisirereng Yawe agogonguwok kotoma aituluor itunga luipu ikesisiak. (Mat 28:18-20; 1Kor 3:6-9) Epone bo ani ebeitor oni aitosom iitabon lu luitetiak?

Eitabo Olelak Aijar Ikar Kere!, imedau kotoma aisisia Ebaibuli, einakinit oni epone loitetet loka aisisianakin, kanuangun kotupak nuta naitemonokinia ijo ka naitolosia ijo aisisia Ebaibuli keda itunganan. *

• Kosiomata kosodete abongonokin aingiseta

• Kosiomata ikokoron luiwadikakinitai ebe “kosiom” kosodi aingarakin esisian ajenun epone loibwaikinet akiro ngun toma aswamisioit

• Koboliak ibidion kosodete aitetem kitosomaete aingiseta nueinakinitai

• Kotamak angetakin aisisiaet kere irwan atipe

Kotoma alimonokin, kogeu ber akorakin itunganan aburocua kanu ajenun arai ipuda ngesi ainyikokin aisisia. (Koany asaduku “ Epone Lokoraret Aburocua Olelak Aijar Ikar Kere! Kotoma Aloset Nasodit.”) Arai idautu yes aisisia aborocua ido kokoto esisian ainyikokin aisisia, ijaik nges eitabo ido kogea kotoma aisisiaet na 4. Arai isisiaete yes itosomaete eitabo Nuisisianakini Oni arai bo Asalakin Toma Amin Naka Edeke, ikoparos aisisia eitabo Olelak Aijar Ikar Kere! ido ekoto jo aitutub neigeuniata.

KOSESENATA EBIDIO YALAMA AGEUN AISISIA EBAIBULI, KOSODETE ABONGONOKIN AINGISETA NUTA:

• Anyoika bo isisiaunete esisiak kotoma oitabo loitetet?

• Kanuinyo ibusakinitor ijo aitodikin esisiak luitetiak ebidio lo?

• Anu bo alosikineta nuipedori jo aisinyikokin esisian aitolomun ka aitodolikin?​—Koany acaat “ Nuepolok ka Nuitodolikini Esisian Kanginitiakunet”