Nakedolio Yesu Betaniya ko Yerusalem, adaunit opaperoke Lasaro aparasia aongon ates. Kolot Yesu nepepe kede Marita ka Mariam anacan kalo atwan nedaikitai nges. Katipet, kotukokin ekodete. Kipedori ijo ainomar alakara Marita ka Mariam netajaruna Yesu Lasaro?​—Kosiom Yokana 11:21-24, 38-44.

Ajeni Marita akiro nukajokak nuikamunitos lukatwak. Kotoma akirot naka Edeke ajeni nges ebe ebuni Yawe aitajarun lukatwak aijar bobo akwap.​—Kosiom Yob 14:14, 15.

Esubunitai itunga apua. (Ageun 2:7; 3:19) Mam oni irai imoyon luijari akuwan. Kirai oni isuban, emamei do ibore akwan wok yen ekui atwanare. Arai kitwaka, etwakete adam eoliorete aomisio da. Aso, Mam Lasaro abu iner nuikamunitos atwanereke narai mam ikatwak ejenete ibore.​—Kosiom Isabulin 146:4; Ekalimonokinan 9:5, 6, 10.

Konye itisilanari kereka Edeke itunga akim? Kwape itodunitor Ebaibuli ebe, mam ikatwak ejenete ibore, aisisianakin naicue itunga kakim erai naisab ido emorit Edeke. Aomisiot na aitisilanar itunga akim erai ibore yen ketale kanejai Yawe.​—Kosiom Yeremia 7:31.

Kosesen ebidio Inyoin bo Ejautene Loka Alukatwak?

Mam lukatwak kinerasi karaida aipup. (Isabulin 115:17) Konye ice malaikan erasi lukaroko, kesi eminasi einer ka itunga ijoseikinitos bala kesi itunga lukatwak. (2 Petero 2:4) Elait Yawe luekotosi einer keda lukatwak.​—Kosiom Ikisila 18:10, 11.

Imilionin luka itunga luetwakitos kesi ebunio aitajarun kakwap. Kangul da lumam ajenete Edeke ido kiswamaitos iboro lukarokok eponio aitajarun.​—Kosiom Luka 23:43; Aswamisio 24:15.

Eponete luitajaruno aisisia nuikamunitos Edeke ka aigwaikin aiyuun kec nejai Yesu karimarite nges. (Apukokinio 20:11-13) Ngul luitajaruno kosodete aswam nuejokuka epote ailel aijar ikar kere akwap.​—Kosiom Yokana 5:28, 29.

Ejaatar lukatwak kamuno naijar narai abu Edeke ijuk Okokuke atwanikin oni. Nuaitajario elimokinitos do oni nuikamunitos amina naka Edeke ka asianut ke. Ejarutu lukatwak, ingai bo cut ikotokin ijo anyun?​—Kosiom Yokana 3:16; Iromayon 6:23.