Privacy Settings

To provide you with the best possible experience, we use cookies and similar technologies. Some cookies are necessary to make our website work and cannot be refused. You can accept or decline the use of additional cookies, which we use only to improve your experience. None of this data will ever be sold or used for marketing. To learn more, read the Global Policy on Use of Cookies and Similar Technologies. You can customize your settings at any time by going to Privacy Settings.

Kosomar nuejaas toma

Skip to table of contents

AITETEMET 34

Inyamat Lutetiak

Inyamat Lutetiak

IPEDORI ijo alimun ibore yen etukonokinete itunga ngul kokwap? Esubit bala akako. Ekwang, edit ido oputos akako. Konye mam erai akako; erai ibore yen ebeit ainyam.

Erai akaulo bala na elap ediopet bon ageun ne anyounatar idwe luka Isirael ko Misiri. Ejaasi kesi amoding. Kwape ikidiokotor inyamat lu epoloete kane, apotu itunga kogeutu airurum kobalasi ebe: ‘Ti gwai Yawe kiyarak akwap nako Misiri. Gwai ajaas ngina inyamat kere lukikoto.’

Kobala Yawe: ‘Etetepikini yes atap naebuni kokuju.’ Ido nu nges abu Yawe kiswama. Atupuruc na atupakini, keanyutu idwe luka Isirael ibore yen akwang yeni atepunit, kingitanaros ebe: ‘Inyo bo ngin?’

Kotema Musa ebe: ‘Lu kesi inyamat lu ainaki Yawe yesi ainyam.’ Konyarata itunga nesi EMANU. Ajijumuke da kosubite bala imugatin luka esik.

Kobala Musa ebe: ‘Isekete yes luipu kwape epedoria nginitunganan ainyam.’ Aso nginitupuruc, nu duc eswamaenenete kesi. Ido kemwaniar akolong, kocalar emanu loasalit kwap.

Kobala bobo Musa ebe: ‘Emamei yen ebeit edeun edio ko manu kiton apaaran na etupakini.’ Konye ice kotunga mam apotu kopupokisi. Ijeni ijo nu etakanunete? Emanu lo edeunitai kiton tupuruc nesi eleleba ikur ido ageuni auruun!

Ajai apaaran adiopet na osabiti, na alimokinit Yawe itunga asekun, emanu lo irwan aerei. Arai na apaaran nakikanyetekape. Abala Yawe ebe aideun ece kiton apaaran na etupakini naarai mam nges alosi atitetepikin edio kere kapaaran nakikanyetekaarei. Kideutu kesi emanu kiton apaaran nakikanyetekaarei, mam ikur elelebunos ido mam auruni! Arai na aumokinet ace!

Ikar kere lu ajaatar idwe luka Isirael amoding, etanenei Yawe kesi kede emanu.