Komoo akiro nuibecokina kaneejaas ipirioitin. Kiner nuejaasi Obaibuli, arai bo nat kosiom kotoma Obaibuli arai kecamak apak. Arai ikoto ijo aitetem akiro nuka esayanis, nuka iyemuto, nuikamunitos itunga arai bo nat akiro ace, komoo ber kaneejaasi ipirioitin ido ekoto koraasi nuibecokina.

Kitosom jokan nuidau ijo amoun. Kitetem ikokoron nuka Ebaibuli kiriamara keda akiro nuejaasi toma, akiro kere nuisisianakini Ebaibuli, keda iitabon luinomunit “ebulesit lomunot loepiriana da.” (Mat. 24:45) Kitosom akiro nuka ipirioitin kwape ejaatar ido kotupite alosikinet naiwadikatere.

Kitatamik ikapupokokon. Akaulo naka asiomun ekokoro arai bo aitejenun nuikamunitos neilemunitor ijo ekokoro ngon, kingit aingiset arai bo kitosom aitupuset kanu aitacaun akiro nuepolok tetere ikapupokokon epedorete aseun nuiswama.