జాతి భేదాలు లేని ప్రపంచం చాలామందికి కలగానే మిగిలిపోతుంది.

•   ప్రపంచంలో దాదాపు ప్రతీ మూల అటు స్కూళ్లలో, కాలేజీల్లో, నలుగురు మనుషులు కలిసివున్న ప్రతీ చోట, జాతి భేదం విషంలా సమాజమంతా పాకుతుంది. దానివల్ల ఒకరు తక్కువ, ఒకరు ఎక్కువ అనే భావం నరనరాల్లో ఉండిపోతుంది.—అన్టోనియో గుటేరిష్‌, UN సెక్రెటరీ-జనరల్‌.

 జాతి భేదాలు లేని ప్రపంచాన్ని అసలు చూడగలమా? బైబిలు ఏం చెప్తుంది?

 వేర్వేరు జాతుల వాళ్లను దేవుడు ఎలా చూస్తున్నాడో బైబిలు చెప్తుంది.

•   “భూమంతటి మీద జీవించడానికి ఆయన [దేవుడు] ఒకే ఒక్క మనిషి నుండి అన్నిదేశాల మనుషుల్ని చేశాడు.”—అపొస్తలుల కార్యాలు 17:26.

•   ‘దేవునికి పక్షపాతం లేదు. ప్రతీ జనంలో, తనకు భయపడి సరైనది చేసేవాళ్లను ఆయన అంగీకరిస్తాడు.’—అపొస్తలుల కార్యాలు 10:34, 35.

 అందరి రక్తం ఒక్కటే అని, అందరం ఒకే కుటుంబం నుండి వచ్చాం అని బైబిలు చెప్తుంది. అలాగే జాతితో సంబంధం లేకుండా దేవుడు అందరినీ అంగీకరిస్తాడు.

 అది పరలోకంలో ఉన్న దేవుని రాజ్యం అనే ప్రభుత్వం ద్వారా సాధ్యం. ఏ భేదం లేకుండా అందరినీ సమానంగా ఎలా చూడాలో ఆ ప్రభుత్వం ప్రజలకు నేర్పిస్తుంది. వాళ్ల నరనరాల్లో ఇంకిపోయిన జాతి భేదాన్ని కూడా ఎలా తీసేసుకోవాలో ఆ ప్రభుత్వం నేర్పిస్తుంది.

•   “దేశ నివాసులు నీతి గురించి నేర్చుకుంటారు.”—యెషయా 26:9.

•   “నిజమైన నీతి వల్ల శాంతి కలుగుతుంది, నిజమైన నీతికి ఫలం శాశ్వతమైన నెమ్మది, భద్రత.”—యెషయా 32:17.

 ఇప్పుడు కూడా ఎదుటివ్యక్తికి గౌరవ మర్యాదలు ఎలా ఇవ్వాలో లక్షలమంది బైబిలు నుండి నేర్చుకుంటున్నారు.

•   దీని గురించి ఇంకా ఎక్కువ తెలుసుకోవడానికి, “వివక్ష అనే జబ్బును తీసేయడం సాధ్యమేనా?” అనే తేజరిల్లు! పత్రిక చదవండి.

•   అమ్మానాన్నలు ఇంట్లో పిల్లలకు మంచిచెడులు నేర్పిస్తున్నప్పుడు, ఇంగ్లీష్‌లో ఉన్న “వివక్ష గురించి పిల్లలతో మాట్లాడడం” అనే ఆర్టికల్‌ చదవండి.