యెహెజ్కేలు 31:1-18
-
గొప్ప దేవదారు చెట్టు అయిన ఐగుప్తు పతనం (1-18)
31 11వ సంవత్సరం మూడో నెల మొదటి రోజున యెహోవా వాక్యం మళ్లీ నా దగ్గరికి వచ్చి ఇలా అంది:
2 “మానవ కుమారుడా, ఐగుప్తు రాజైన ఫరోతో, అతని సైన్యాలతో ఇలా చెప్పు,+‘గొప్పతనం విషయంలో నువ్వు ఎవరిలా ఉన్నావు?
3 నువ్వు ఒక అష్షూరీయుడిలా, లెబానోనులోని దేవదారు చెట్టులా ఉన్నావు,దానికి అందమైన కొమ్మలు ఉండేవి, అది గుబురుగా ఉండి నీడనిచ్చేది, చాలా ఎత్తుగా ఉండేది;దాని కొన మేఘాల్లో ఉండేది.
4 నీళ్ల వల్ల అది పెద్దగా పెరిగింది, లోతైన నీటి ఊటల వల్ల ఎత్తుగా ఎదిగింది.
అది నాటబడిన చోట చుట్టూ వాగులు ఉండేవి;వాటి కాలువలు మైదానంలోని చెట్లన్నిటికీ ప్రవహించేవి.
5 అందుకే అది మైదానంలోని చెట్లన్నిటి కన్నా ఎత్తుగా పెరిగింది.
ఆ వాగుల్లో పుష్కలంగా నీళ్లు ఉండడంవల్లదాని శాఖలు విస్తరించాయి, కొమ్మలు పొడుగ్గా పెరిగాయి.
6 దాని శాఖల్లో ఆకాశపక్షులన్నీ గూళ్లు కట్టుకున్నాయి,దాని కొమ్మల కింద అడవి జంతువులన్నీ పిల్లల్ని కన్నాయి,ఎక్కువ జనాభా ఉన్న జనాలన్నీ దాని నీడలో నివసించాయి.
7 దాని వేళ్లు విస్తార జలాల్లోకి వ్యాపించడం వల్లఅది ఎంతో అందంగా తయారైంది, దాని కొమ్మలు పొడుగ్గా పెరిగాయి.
8 దేవుని తోటలోని+ ఏ దేవదారు చెట్టూ దానిలా లేదు.
దానిలాంటి శాఖలు ఏ సరళవృక్షానికీ లేవు,దానిలాంటి కొమ్మలు ఏ సాల చెట్టుకూ లేవు.
దేవుని తోటలోని ఏ చెట్టూ దాని అందంతో పోటీ పడలేదు.
9 నేను దానికి దట్టమైన ఆకులు, కొమ్మలు ఇచ్చి దాన్ని అందంగా చేశాను,ఏదెను తోటలో అంటే సత్యదేవుని తోటలో ఉన్న చెట్లన్నీ దాన్ని చూసి ఈర్ష్యపడ్డాయి.’
10 “అందుకే సర్వోన్నత ప్రభువైన యెహోవా ఇలా అంటున్నాడు: ‘అది* చాలా ఎత్తుగా పెరిగి, తన కొనను మేఘాల్లోకి హెచ్చించుకుంది, దాని ఎత్తు వల్ల దాని హృదయానికి పొగరెక్కింది కాబట్టి,
11 నేను దాన్ని జనాల బలమైన పరిపాలకుడికి అప్పగిస్తాను.+ అతను ఖచ్చితంగా దాన్ని శిక్షిస్తాడు; నేను దాని దుష్టత్వాన్ని బట్టి దాన్ని తిరస్కరిస్తాను.
12 జనాల్లో అత్యంత కిరాతకులైన విదేశీయులు దాన్ని నరికేసి పర్వతాల మీద విడిచిపెడతారు, దాని ఆకులు లోయలన్నిట్లో రాలిపడతాయి, దాని కొమ్మలు దేశంలోని వాగులన్నిట్లో విరిగిపడతాయి.+ భూమ్మీది జనాలన్నీ దాని నీడ నుండి బయటికొచ్చి, దాన్ని విడిచిపెడతాయి.
13 పడిపోయిన దాని మొద్దు మీద ఆకాశపక్షులు, దాని కొమ్మల మీద అడవి జంతువులు నివసిస్తాయి.+
14 ఇలా ఎందుకు జరుగుతుందంటే, ఇకమీదట నీళ్ల దగ్గరున్న ఏ చెట్టూ అంత ఎత్తు ఎదగకూడదు, దాని కొనను మేఘాల్లోకి హెచ్చించకూడదు, పుష్కలంగా నీళ్లు అందే ఏ చెట్టూ మేఘాల్ని తాకేంత ఎత్తు ఎదగకూడదు. అవన్నీ గోతిలోకి* దిగిపోతున్న మనుషులతో పాటు మరణానికి, కింద ఉన్న దేశానికి అప్పగించబడతాయి.’
15 “సర్వోన్నత ప్రభువైన యెహోవా ఇలా అంటున్నాడు: ‘అది సమాధిలోకి* దిగిపోయే రోజున, నేను ప్రజలు దుఃఖించేలా చేస్తాను. నేను లోతైన జలాల్ని ఆపి, వాగులకు అడ్డుకట్ట వేసి, విస్తార జలాల్ని అడ్డుకుంటాను. నేను ఆ చెట్టు కారణంగా లెబానోనును చీకటిమయం చేస్తాను, దాంతో మైదానంలోని చెట్లన్నీ వాడిపోతాయి.
16 గోతిలోకి* దిగిపోయే వాళ్లందరితో పాటు నేను దాన్ని సమాధిలోకి* పంపేటప్పుడు, అది పతనమైన శబ్దానికి జనాలు వణికిపోయేలా చేస్తాను; ఏదెనులోని చెట్లన్నీ,+ లెబానోనులోని శ్రేష్ఠమైన మంచిమంచి చెట్లన్నీ, నీళ్లు పుష్కలంగా అందే చెట్లన్నీ, కింద ఉన్న దేశంలో ఊరట పొందుతాయి.
17 అవి అతనితో* పాటు, జనాల మధ్య అతని నీడలో నివసించిన అతని మద్దతుదారులతో* పాటు సమాధిలోకి* అంటే ఖడ్గం వల్ల చనిపోయినవాళ్ల+ దగ్గరికి వెళ్లాయి.’+
18 “ ‘ఘనత విషయంలో, గొప్పతనం విషయంలో ఏదెనులోని ఏ చెట్టు నీలా ఉంది?+ అయితే ఏదెనులోని చెట్లతోపాటు నువ్వు ఖచ్చితంగా కింద ఉన్న దేశానికి తీసుకురాబడతావు. నువ్వు ఖడ్గంతో చంపబడినవాళ్లతో పాటు సున్నతిలేనివాళ్ల మధ్య పడుకుంటావు. ఫరోకు, అతని సైన్యాలన్నిటికీ ఇలా జరుగుతుంది’ అని సర్వోన్నత ప్రభువైన యెహోవా ప్రకటిస్తున్నాడు.”
అధస్సూచీలు
^ అక్ష., “నువ్వు.”
^ లేదా “సమాధిలోకి.”
^ లేదా “సమాధిలోకి.”
^ అంటే, లెబాలోనులోని దేవదారు చెట్టు.
^ అక్ష., “బాహువుతో.”
