జెకర్యా 9:1-17
9 దేవుని నుండి వచ్చిన ప్రకటన:
“యెహోవా వాక్యం హద్రాకుకు వ్యతిరేకంగా ఉంది,దమస్కు దాని లక్ష్యం.+ఎందుకంటే, యెహోవా కళ్లు మనుషులందర్నీ,ఇశ్రాయేలు గోత్రాలన్నిటినీ చూస్తున్నాయి;+
2 అంతేకాదు ఆయన వాక్యం పక్కనున్న హమాతు+ దేశానికి,తూరు,+ సీదోనులకు+ వ్యతిరేకంగా ఉంది, ఎందుకంటే ఇవి చాలా తెలివిగలవి.+
3 తూరు తన కోసం ఒక ప్రాకారం* కట్టుకుంది,
అది దుమ్ము అంత విస్తారంగా వెండిని,వీధుల్లోని చెత్త అంత విస్తారంగా బంగారాన్ని పోగుచేసుకుంది.+
4 ఇదిగో! యెహోవా దాని ఆస్తుల్ని తీసేసుకుంటాడు,దాని సైన్యాల్ని సముద్రంలో పడేస్తాడు;*+అది అగ్నిలో దహించివేయబడుతుంది.+
5 అష్కెలోను దాన్ని చూసి భయపడుతుంది;గాజా తీవ్రమైన దుఃఖంలో మునిగిపోతుంది,ఎక్రోను పరిస్థితి కూడా అలాగే ఉంటుంది, ఎందుకంటే అది నమ్ముకున్న దేశం అవమానాలపాలు అవుతుంది.
గాజాలో రాజు లేకుండాపోతాడు,అష్కెలోను నిర్మానుష్యం అయిపోతుంది.+
6 అష్డోదులో అక్రమ సంతానం స్థిరపడుతుంది,ఫిలిష్తీయుల పొగరును నేను అణచివేస్తాను.+
7 నేను ఫిలిష్తీయుల నోళ్లలో నుండి రక్తపు మరకలున్న వాటిని తీసేస్తాను,వాళ్ల పళ్ల మధ్య నుండి అసహ్యకరమైన వాటిని లాగేస్తాను,వాళ్లలో మిగిలినవాళ్లు మన దేవునికి చెందుతారు;వాళ్లు యూదాలోని షేక్‌లలా* అవుతారు,+ఎక్రోనువాళ్లు యెబూసీయుల్లా అవుతారు.+
8 నా ఇంటి మీదికి ఎవరూ రాకుండా,నా ఇంటి బయట డేరా వేసుకొని నేను కాపలా ఉంటాను,+అణచివేసే వాళ్లెవ్వరూ మళ్లీ నా ఇంట్లోకి రాలేరు,+ఎందుకంటే, ఇప్పుడు నేను స్వయంగా నా కళ్లతో దాన్ని* చూశాను.
9 సీయోను కూతురా, ఉల్లసించు.
యెరూషలేము కూతురా, విజయోత్సాహంతో కేకలువేయి.
ఇదిగో! నీ రాజు నీ దగ్గరికి వస్తున్నాడు.+
ఆయన నీతిమంతుడు, రక్షణను తీసుకొస్తున్నాడు,*ఆయన వినయస్థుడు,+ గాడిద మీద వస్తున్నాడు,అవును, గాడిదపిల్ల* మీద వస్తున్నాడు.+
10 నేను ఎఫ్రాయిములో నుండి యుద్ధ రథాల్ని తీసేస్తాను,యెరూషలేములో నుండి గుర్రాల్ని తీసేస్తాను.
యుద్ధపు విల్లు తీసేయబడుతుంది.
ఆయన దేశాలకు శాంతిని ప్రకటిస్తాడు;+ఆయన పరిపాలన సముద్రం నుండి సముద్రం వరకు,నది* నుండి భూమి అంచుల వరకు ఉంటుంది.+
11 ఓ స్త్రీ,* నీ ఒప్పంద* రక్తం ద్వారా,ఖైదీలుగా ఉన్న నీ వాళ్లను నీళ్లు లేని గోతి నుండి నేను బయటికి తీసుకొస్తాను.+
12 ఆశగా ఎదురుచూస్తున్న ఖైదీల్లారా, బలమైన దుర్గానికి తిరిగిరండి.+
ఈ రోజు నేను చెప్తున్నాను,‘ఓ స్త్రీ, నేను నిన్ను రెండింతలు దీవిస్తాను.+
13 నేను యూదాను నా విల్లులా వంచుతాను.
ఎఫ్రాయిమూ, నిన్ను విల్లు మీది బాణంలా ఎక్కుపెడతాను,సీయోనూ, నేను నీ కుమారుల్ని లేపుతాను,గ్రీసు దేశమా, నీ కుమారుల మీదికి వాళ్లను లేపుతాను,సీయోనూ, నేను నిన్ను యోధుని ఖడ్గంలా చేస్తాను.’
14 యెహోవా తన ప్రజలకు తోడుగా ఉన్నానని స్పష్టంగా చూపిస్తాడు,ఆయన బాణం మెరుపులా దూసుకెళ్తుంది.
సర్వోన్నత ప్రభువైన యెహోవా బూర* శబ్దం చేస్తాడు,+ఆయన దక్షిణం నుండి వచ్చే సుడిగాలిలా ముందుకు దూసుకుపోతాడు.
15 సైన్యాలకు అధిపతైన యెహోవా వాళ్లను కాపాడతాడు,వాళ్లు వడిసెల రాళ్లను నాశనం చేస్తారు, లోబర్చుకుంటారు.+
వాళ్లు ద్రాక్షారసం తాగినవాళ్లలా సంతోషంగా ఉంటారు, కేకలు వేస్తారు;వాళ్లు ఆలయంలోని గిన్నెల్లా నింపబడతారు,బలిపీఠపు మూలలు+ నింపబడినట్టు నింపబడతారు.
16 కాపరి తన మందను కాపాడినట్టుఆ రోజున, వాళ్ల దేవుడైన యెహోవా వాళ్లను కాపాడతాడు.+కిరీటం మీదున్న రత్నాల్లా వాళ్లు ఆయన నేలమీద మెరుస్తారు.+
17 ఆహా! ఆయన మంచితనం ఎంత గొప్పది!+ఆయన అందం ఎంత గొప్పది!
ధాన్యం యువకుల్ని,కొత్త ద్రాక్షారసం కన్యల్ని వర్ధిల్లజేస్తుంది.”+
అధస్సూచీలు
^ లేదా “కోట.”
^ లేదా “సముద్రం మీద దాని సైన్యాన్ని నాశనం చేస్తాడు” అయ్యుంటుంది.
^ షేక్‌ అంటే గోత్రపు పెద్ద.
^ తన ప్రజల బాధను అని స్పష్టమౌతోంది.
^ లేదా “మగ గాడిదపిల్ల.”
^ లేదా “విజేయుడు; రక్షించబడినవాడు.”
^ అంటే, యూఫ్రటీసు.
^ అంటే, సీయోను లేదా యెరూషలేము.
^ లేదా “నిబంధన.”
^ అక్ష., “కొమ్ము.”
