కీర్తనలు 94:1-23
94 ప్రతీకారం తీర్చుకునే దేవా, యెహోవా,+ప్రతీకారం తీర్చుకునే దేవా, ప్రకాశించు!
2 భూలోక న్యాయాధిపతీ,+ లే.
గర్విష్ఠులకు తగిన శాస్తి చేయి.+
3 ఎంతకాలం యెహోవా,ఎంతకాలం దుష్టులు ఉల్లసిస్తూ ఉంటారు?+
4 వాళ్లు పిచ్చి వాగుడు వాగుతారు, అహంకారంగా మాట్లాడతారు;తప్పుచేసే వాళ్లంతా తమ గురించి గొప్పలు చెప్పుకుంటారు.
5 యెహోవా, వాళ్లు నీ ప్రజల్ని నలగ్గొడుతున్నారు,+నీ స్వాస్థ్యాన్ని బాధిస్తున్నారు.
6 వాళ్లు విధవరాలిని, పరదేశిని చంపుతారు,తండ్రిలేని పిల్లల్ని హత్య చేస్తారు.
7 “యెహోవా* చూడట్లేదు;+యాకోబు దేవుడు దీన్ని పట్టించుకోవట్లేదు” అని వాళ్లు అనుకుంటున్నారు.+
8 బుద్ధిలేని ప్రజలారా, ఈ విషయం అర్థంచేసుకోండి;మూర్ఖులారా, మీరు ఎప్పటికైనా లోతైన అవగాహన చూపిస్తారా?+
9 చెవిని తయారుచేసిన దేవుడు వినలేడా?
కంటిని తయారుచేసిన దేవుడు చూడలేడా?+
10 దేశాల్ని సరిదిద్దే దేవుడు క్రమశిక్షణ ఇవ్వలేడా?+
ప్రజలకు జ్ఞానాన్ని బోధించేది ఆయనే!+
11 మనుషుల ఆలోచనలు యెహోవాకు తెలుసు,అవి వ్యర్థమైనవని ఆయనకు తెలుసు.+
12 యెహోవా,* నువ్వు సరిదిద్దే మనిషి,నీ ధర్మశాస్త్రంతో నువ్వు బోధించే వ్యక్తి ధన్యుడు;*+
13 దుష్టుల కోసం గుంట తవ్వబడే వరకు,+కష్టకాలంలో నువ్వు అతనికి మనశ్శాంతి దయచేస్తావు.
14 ఎందుకంటే యెహోవా తన ప్రజల్ని విడిచిపెట్టడు,+తన స్వాస్థ్యాన్ని+ వదిలేయడు.
15 ఎందుకంటే తీర్పు మళ్లీ న్యాయంగా ఉంటుంది,హృదయంలో నిజాయితీ ఉన్నవాళ్లంతా దాన్ని పాటిస్తారు.
16 దుష్టులకు వ్యతిరేకంగా నా కోసం ఎవరు లేస్తారు?
తప్పుచేసే వాళ్లకు వ్యతిరేకంగా ఎవరు నా తరఫున నిలబడతారు?
17 యెహోవా నాకు సహాయం చేసుండకపోతే,నేను త్వరగా నశించిపోయేవాణ్ణి.+
18 “నా పాదం జారుతోంది” అని నేను అనుకున్నప్పుడు,
యెహోవా, నీ విశ్వసనీయ ప్రేమ నన్ను ఆదుకుంటూ వచ్చింది.+
19 ఆందోళనలు* నన్ను ఉక్కిరిబిక్కిరి చేసినప్పుడు*నువ్వే నన్ను ఓదార్చావు, ఊరడించావు.+
20 చట్టం* పేరుతో సమస్యలు సృష్టించడానికి ప్రయత్నిస్తూ+దుష్ట పరిపాలకులు* నీతో సంధి చేసుకోగలరా?
21 వాళ్లు నీతిమంతుల మీద క్రూరమైన దాడులు చేస్తూ+అమాయకులకు మరణశిక్ష విధిస్తారు.+
22 అయితే యెహోవాయే నాకు సురక్షితమైన ఆశ్రయంగా* ఉంటాడు,నా దేవుడే నా ఆశ్రయదుర్గం.*+
23 ఆయన, వాళ్ల దుష్ట పనులు వాళ్లమీదికే వచ్చేలా చేస్తాడు.+
వాళ్ల చెడుతనంతోనే వాళ్లను నాశనం చేస్తాడు.
మన దేవుడైన యెహోవా వాళ్లను నాశనం చేస్తాడు.+
అధస్సూచీలు
^ అక్ష., “యా.” ఇది యెహోవా పేరుకు సంక్షిప్త రూపం.
^ అక్ష., “యా.” ఇది యెహోవా పేరుకు సంక్షిప్త రూపం.
^ లేదా “సంతోషంగా ఉంటాడు.”
^ లేదా “కలవరపెట్టే ఆలోచనలు.”
^ లేదా “నాలో ఎక్కువైనప్పుడు.”
^ లేదా “శాసనం.”
^ లేదా “సింహాసనం.”
^ లేదా “ఎత్తైన స్థలంగా.”
^ అక్ష., “నేను ఆశ్రయించే నా బండరాయి.”
