కీర్తనలు 53:1-6
సంగీత నిర్దేశకునికి సూచన; మాహలతు* అనే శైలిలో పాడాలి. మాస్కిల్‌.* దావీదు కీర్తన.
53 “యెహోవా లేడు” అని
మూర్ఖులు* తమ హృదయంలో అనుకుంటారు.+
వాళ్ల అవినీతి పనులు చెడ్డగా, అసహ్యంగా ఉంటాయి;మంచి చేసేవాళ్లు ఎవ్వరూ లేరు.+
2 అయితే లోతైన అవగాహన ఉన్నవాళ్లు, యెహోవాను వెతుకుతున్నవాళ్లు+ ఎవరైనా ఉన్నారేమోననిదేవుడు పరలోకం నుండి మనుషుల్ని చూస్తున్నాడు.+
3 వాళ్లంతా దారితప్పారు;అందరూ చెడిపోయారు.
మంచి చేసేవాళ్లు ఎవ్వరూ లేరు,కనీసం ఒక్కడు కూడా లేడు.+
4 తప్పుచేసే వాళ్లెవ్వరికీ అర్థం కావడం లేదా?
రొట్టెను తింటున్నట్టు వాళ్లు నా ప్రజల్ని మింగేస్తున్నారు.
వాళ్లు యెహోవాకు ప్రార్థన చేయరు.+
5 కానీ వాళ్లు తీవ్రంగా భయపడతారు,ముందెన్నడూ లేనంతగా భయపడతారు,*ఎందుకంటే, నీ మీద దాడి చేసేవాళ్ల* ఎముకల్ని దేవుడు చెదరగొడతాడు.
నువ్వు వాళ్లను సిగ్గుపడేలా చేస్తావు, ఎందుకంటే యెహోవా వాళ్లను తిరస్కరించాడు.
6 సీయోను+ నుండి ఇశ్రాయేలుకు రక్షణ రావాలి!
బందీలుగా ఉన్న తన ప్రజల్ని యెహోవా మళ్లీ సమకూర్చినప్పుడు,యాకోబు సంతోషించాలి, ఇశ్రాయేలు ఉల్లసించాలి.
అధస్సూచీలు
^ లేదా “తెలివితక్కువవాళ్లు.”
^ లేదా “భయపడాల్సిందేమీ లేని చోట భయపడతారు” అయ్యుంటుంది.
^ అక్ష., “నిన్ను ముట్టడించేవాళ్ల.”
