కీర్తనలు 34:1-22
దావీదు కీర్తన. దావీదు అబీమెలెకు ముందు పిచ్చివాడిలా నటించినప్పుడు+ అతను దావీదును వెళ్లగొట్టడంతో, దావీదు అక్కడి నుండి వెళ్లిపోయినప్పటిది.
א [ఆలెఫ్‌]
34 నేను ఎల్లప్పుడూ యెహోవాను స్తుతిస్తాను;ఆయన స్తుతి నా పెదాల మీద ఎప్పుడూ ఉంటుంది.
ב [బేత్‌]
2 నేను యెహోవాను బట్టి గొప్పలు చెప్పుకుంటాను;+సాత్వికులు దాన్ని విని, ఉల్లసిస్తారు.
ג [గీమెల్‌]
3 నాతో కలిసి యెహోవాను మహిమపర్చండి;+మనం కలిసి ఆయన పేరును ఘనపరుద్దాం.
ד [దాలెత్‌]
4 నేను యెహోవా దగ్గర విచారణ చేశాను, ఆయన నాకు జవాబిచ్చాడు.+
నా భయాలన్నిటి నుండి ఆయన నన్ను రక్షించాడు.+
ה [హే]
5 ఆయన వైపు చూసిన ముఖాలు ప్రకాశించాయి;వాళ్లు ఎప్పటికీ అవమానాలపాలు కారు.
ז [జాయిన్‌]
6 ఈ దీనుడు మొరపెట్టినప్పుడు యెహోవా విన్నాడు.
అతని బాధలన్నిటి నుండి అతన్ని కాపాడాడు.+
ח [హేత్‌]
7 యెహోవాకు భయపడేవాళ్లందరి చుట్టూ ఆయన దూత కాపలా ఉండి+ వాళ్లను రక్షిస్తాడు.+
ט [తేత్‌]
8 యెహోవా మంచివాడని రుచిచూసి తెలుసుకోండి;+ఆయన్ని ఆశ్రయించేవాళ్లు సంతోషంగా ఉంటారు.
י [యోద్‌]
9 యెహోవా పవిత్రులారా, మీరందరూ ఆయనకు భయపడండి,ఆయనకు భయపడేవాళ్లకు ఏ లోటూ ఉండదు.+
כ [కఫ్‌]
10 బలమైన కొదమ సింహాలు కూడా ఆకలితో ఉంటాయి,కానీ యెహోవాను వెదికేవాళ్లకు మంచిదేదీ కొదువ కాదు.+
ל [లామెద్‌]
11 నా కుమారులారా, రండి, నేను చెప్పేది వినండి;నేను మీకు యెహోవా పట్ల భయభక్తులు నేర్పిస్తాను.+
מ [మేమ్‌]
12 సంతోషంగా జీవిస్తూఎన్నో మంచి రోజులు చూడాలని మీలో ఎవరైనా కోరుకుంటున్నారా?+
נ [నూన్‌]
13 అలాగైతే, చెడ్డ మాటలు మాట్లాడకుండా మీరు మీ నాలుకను,+కపటంతో మాట్లాడకుండా మీ పెదాల్ని కాచుకోండి.+
ס [సామెఖ్‌]
14 చెడుకు దూరంగా ఉండండి, మంచి చేయండి;+శాంతిని వెదికి, దాన్ని వెంటాడండి.+
ע [అయిన్‌]
15 యెహోవా కళ్లు నీతిమంతుల్ని చూస్తూ ఉంటాయి,+ఆయన చెవులు వాళ్ల మొరలు వింటాయి.+
פ [పే]
16 కానీ యెహోవా ముఖం చెడు చేసేవాళ్లకు వ్యతిరేకంగా ఉంది,ఆయన వాళ్ల జ్ఞాపకాలన్నిటినీ భూమ్మీద నుండి తుడిచేస్తాడు.+
צ [సాదె]
17 నీతిమంతులు మొరపెట్టినప్పుడు యెహోవా విన్నాడు;+వాళ్ల కష్టాలన్నిటి నుండి ఆయన వాళ్లను కాపాడాడు.+
ק [ఖొఫ్‌]
18 విరిగిన హృదయంగలవాళ్లకు యెహోవా దగ్గరగా ఉంటాడు;+నలిగిన మనస్సుగలవాళ్లను* ఆయన కాపాడతాడు.+
ר [రేష్‌]
19 నీతిమంతునికి ఎన్నో కష్టాలు* వస్తాయి,+అయితే వాటన్నిటి నుండి యెహోవా అతన్ని కాపాడతాడు.+
ש [షీన్‌]
20 ఆయన అతని ఎముకలన్నిటినీ కాపాడుతున్నాడు;వాటిలో ఒక్కటి కూడా విరగలేదు.+
ת [తౌ]
21 విపత్తు దుష్టుల్ని చంపుతుంది;నీతిమంతుల్ని ద్వేషించేవాళ్లు అపరాధులుగా ఎంచబడతారు.
22 తన సేవకుల ప్రాణాల్ని యెహోవా విడిపిస్తున్నాడు;ఆయన్ని ఆశ్రయించే వాళ్లెవ్వరూ అపరాధులుగా ఎంచబడరు.+
