కీర్తనలు 104:1-35
104 నా ప్రాణమా, యెహోవాను స్తుతించు.+
యెహోవా, నా దేవా, నువ్వు ఎంతో గొప్పవాడివి.+
నువ్వు ఘనతను, వైభవాన్ని ధరించావు.+
2 వెలుగును వస్త్రంలా చుట్టుకున్నావు;+డేరా తెరను పరచినట్టు నువ్వు ఆకాశాన్ని పరుస్తావు.+
3 పైనున్న జలాల్లో* ఆయన తన ఇంటి పైగదుల దూలాలు వేస్తాడు,+మేఘాల్ని తన రథంగా చేసుకొని+గాలి రెక్కల మీద ప్రయాణిస్తాడు.+
4 ఆయన తన దూతల్ని వాయువులుగా,*తన పరిచారకుల్ని దహించే అగ్నిగా చేస్తాడు.+
5 ఆయన భూమిని దాని పునాదుల మీద స్థిరపర్చాడు;+అది దాని చోటు నుండి ఎప్పటికీ కదిలించబడదు.*+
6 నువ్వు అగాధ జలాల్ని దానికి వస్త్రంలా కప్పావు.+
నీళ్లు పర్వతాల పైన నిలిచాయి.
7 నువ్వు గద్దించినప్పుడు అవి పారిపోయాయి;+నీ ఉరుము శబ్దానికి అవి కంగారుకంగారుగా పారిపోయాయి.
8 పర్వతాలు ఎత్తు అయ్యాయి,+ లోయలు కిందికి దిగాయి,నువ్వు వాటికోసం నిర్ణయించిన చోటుకు అవి వెళ్లాయి.
9 అవి మళ్లీ ఎప్పుడూ భూమిని ముంచేయకుండా,అవి దాటకూడని ఒక హద్దును వాటికి నియమించావు.+
10 ఆయన లోయల్లోకి* ఊటల్ని పంపిస్తాడు;అవి పర్వతాల మధ్య ప్రవహిస్తాయి.
11 అడవి జంతువులన్నిటికీ అక్కడ నీళ్లు దొరుకుతాయి;అడవి గాడిదలు తమ దాహం తీర్చుకుంటాయి.
12 వాటికి పైన ఆకాశపక్షులు నివసిస్తాయి;గుబురుగా ఉన్న కొమ్మల్లో నుండి అవి పాటలు పాడతాయి.
13 ఆయన తన పైగదుల్లో నుండి పర్వతాలకు నీళ్లు పెడుతున్నాడు.+
నువ్వు చేసినవాటి వల్ల భూమి తృప్తి పొందుతుంది.+
14 ఆయన పశువుల కోసం గడ్డిని,మనుషుల కోసం మొక్కల్ని మొలిపిస్తున్నాడు;+అలా ఆయన నేల నుండి ఆహారం,
15 మనిషి హృదయాన్ని సంతోషపెట్టే ద్రాక్షారసం,+వాళ్ల ముఖాలకు మెరుపునిచ్చే తైలం,మనిషి హృదయాన్ని బలపర్చే ఆహారం వచ్చేలా చేస్తున్నాడు.+
16 యెహోవా చెట్లు, ఆయన నాటిన లెబానోను దేవదారు చెట్లుతృప్తి పొందుతున్నాయి.
17 అక్కడ పక్షులు తమ గూళ్లు కట్టుకుంటాయి.
సంకుబుడి కొంగ+ సరళవృక్షాల్లో* నివసిస్తుంది.
18 కొండమేకలు ఎత్తైన పర్వతాల్లో నివసిస్తాయి;+పొట్టి కుందేళ్లు* బండ సందుల్లో ఆశ్రయం పొందుతాయి.+
19 ఆయా సమయాల్ని సూచించడానికి ఆయన చంద్రుణ్ణి చేశాడు;సూర్యుడికి తాను ఎప్పుడు అస్తమించాలో తెలుసు.+
20 నువ్వు చీకటి రప్పించినప్పుడు రాత్రి అవుతుంది,+అప్పుడు అడవి జంతువులు అంతటా సంచరిస్తాయి.
21 కొదమ సింహాలు తమ ఆహారం కోసం గర్జిస్తాయి,+దేవుడిచ్చే ఆహారం కోసం అవి వెతుకుతాయి.+
22 సూర్యుడు ఉదయించినప్పుడు,అవి తిరిగెళ్లి తమ గుహల్లో పడుకుంటాయి.
23 అప్పుడు మనుషులు తమ పనులకు వెళ్తారు,సాయంత్రం వరకు కష్టపడి పనిచేస్తారు.
24 యెహోవా, నీ పనులు అసంఖ్యాకం!+
తెలివితో నువ్వు వాటన్నిటినీ చేశావు.+
నువ్వు చేసినవాటితో భూమి నిండిపోయింది.
25 అదిగో, ఎంతో పెద్దగా, విశాలంగా ఉన్న సముద్రం!అందులో లెక్కలేనన్ని చిన్నా పెద్దా ప్రాణులు తిరుగుతున్నాయి.+
26 దాని మీద ఓడలు ప్రయాణం చేస్తాయి,సముద్రంలో ఆడుకోవడానికి నువ్వు చేసిన లివ్యాతన్‌*+ అందులో తిరుగుతుంది.
27 నువ్వు సమయానికి ఆహారం ఇస్తావనిఅవన్నీ నీ కోసం వేచి చూస్తున్నాయి.+
28 నువ్వు ఇచ్చినదాన్ని అవి తింటాయి.+
నువ్వు నీ గుప్పిలి విప్పినప్పుడు, అవి మంచివాటితో తృప్తి పొందుతాయి.+
29 నువ్వు నీ ముఖాన్ని దాచుకున్నప్పుడు, అవి కలత చెందుతాయి.
నువ్వు వాటి ఊపిరి* తీసేసినప్పుడు, అవి చనిపోయి తిరిగి మట్టికి చేరతాయి.+
30 నువ్వు నీ ఊపిరిని* పంపినప్పుడు అవి పుడతాయి,+అలా నువ్వు భూమిని కొత్తదనంతో నింపుతున్నావు.
31 యెహోవా మహిమ ఎప్పటికీ నిలిచివుంటుంది.
యెహోవా తన పనుల్ని బట్టి సంతోషిస్తాడు.+
32 ఆయన భూమి వైపు చూస్తే అది వణుకుతుంది;ఆయన పర్వతాల్ని ముట్టుకుంటే అవి పొగలు గక్కుతాయి.+
33 నా జీవితమంతా నేను యెహోవాకు పాటలు పాడతాను;+నేను బ్రతికున్నంతకాలం నా దేవుణ్ణి స్తుతిస్తూ పాటలు పాడతాను.*+
34 నా ఆలోచనలు ఆయనకు నచ్చేలా ఉండాలి.*
నేను యెహోవాను బట్టి సంతోషిస్తాను.
35 పాపులు భూమ్మీద నుండి కనుమరుగౌతారు,దుష్టులు ఇక మీదట ఉండరు.+
నా ప్రాణమా, యెహోవాను స్తుతించు. యెహోవాను* స్తుతించండి!*
అధస్సూచీలు
^ అక్ష., “ఆ జలాల్లో.”
^ లేదా “పరలోక ప్రాణులుగా.” పదకోశంలో “రూ-ఆహ్‌; న్యూమా” చూడండి.
^ లేదా “ఊగిసలాడదు.”
^ లేదా “వాగుల్లోకి.”
^ అంటే, జూనిపర్‌ చెట్లు.
^ అంటే, రాక్‌ బ్యాడ్జర్‌లు.
^ పదకోశంలో “రూ-ఆహ్‌; న్యూమా” చూడండి.
^ పదకోశంలో “రూ-ఆహ్‌; న్యూమా” చూడండి.
^ లేదా “సంగీతం వాయిస్తాను.”
^ లేదా “ఆయన గురించి నేను చేసే ధ్యానం ఆహ్లాదకరంగా ఉండాలి” అయ్యుంటుంది.
^ అక్ష., “యా.” ఇది యెహోవా పేరుకు సంక్షిప్త రూపం.
^ లేదా “హల్లెలూయా!”
