Tsy magnaja ty hafa ty ankamaroa o ndatio ty amy hinane zao. Ndra toly o marareo zao ohatse ty mikorakorake o dokoterao ty amy izao. Naho fa amo o hotelio agne ka, le ndra toly o mpivily rahao ty magnabeagne amo o mpivarotseo. Tsy magnaja ty mpiasa agnate o rapolanio ao ka o mpandehao. Misy aza ty ila’e mahavany mikasi-tagnagne iareo. Mitangingigne ka o mpianatseo le mahavany magnanihany, magnorohoro naho mijera o ramoséo. Ty ila’e amo o manao politikeo ka manao raha mahamegnatse, le ty ila’e magnamaregne ty vata’e fa nao ndaty maren-tane.

 Magnomey torohevetse tena azo atokisagne hagnampe antika ho soa toetse ty Baiboly. Hazavae’e ao ka tie nagnino ro tsy le fitrea sasa ty ndaty soa toetse ty amy hinane zao.

 Raty toetse ty ankamaroa o ndatio ty amy izao. Miharaty ty findesam-bata iareo naho ty raha hevere iareo ho mete.

•   Arake ty fagnadihadiagne natao ta Etazonia agne, le vao mainke niharaty mandikoatse ty tamy ty 22 taogne lasa ty toetse ty ndaty agne.

•   Nisy ndaty 32 000 boake amy ty tane 28 ty nadikadignegne. Izao ty nirehafe ty 65 isan-jato o ndaty reo: ‘Mbe tsy nahatrea haratia toetse manahake ty toetse ty ndaty amy izao raho amparake izay.’

 Fa nirehafe ty Baiboly mialoha o toetse ty ndaty amy izaò.

•   “Amy ty andro fara’e, le hisy fotoan-tsarotse tsy mora atrehegne. Fa ty ndaty ho tea tegna, ho tea mena, hibohaboha sady ho mpanivetive, hasiake, tsy hankatò rae aman-drene, tsy hahay hankasitrake … ho raty fagnahy sady ho mpiarotegne.”​—2 Timoty 3:1-3.

 Naho tea’o ho fantatse tie akore ty hahatanteraha o faminaniagne rehoe, le vakio ty lahatsoratse tihoe “Efa Voalazan’ny Baiboly Mialoha ve ny Toe-tsain’ny Olona Amin’izao Andro Izao sy ny Zavatra Ataony?”

 Ndaty maro amy ty tontolo toy eto ty mahatsapa fa misy tari-dalagne tena magnampe antika mba ho soa toetse ty amy Baiboly ao. “Azo atokisagne sady maharetse nainai’e” o tari-dalagne iohoe. (Salamo 111:8) Dineho ty ohatse retoa:

•   Hoe ty Baiboly: “Ze raha tea’areo hatao o ndatio ama’areo ro anò’areo amy iareo.”​—Matio 7:12.

   Ty dika izay: Teantika zao naho soa fagnahy sady magnaja antika ty hafa. Hoe izay ka areke ty toko’e hataontika amy iareo.

•   Hoe ty Baiboly: “Fa nialà’areo o vandeo, le mirehafa ty maregne amy ty ragne’areo nareo tsikiraidraike, fa toe ratsam-batagne mifampiankigne tikagne.”​—Efesianina 4:25.

   Ty dika izay: Toko’e hanao ty maregne amy ze raha rehafentikagne naho ataontikagne tikagne.

 Naho te hahazo fagnazavagne fagnampe’e miomba o foto-kevetse iohoe rehe, le vakio ty:

•   Ny Tilikambo Fiambenana minday ty lohan-drehake tihoe “Ny Mety sy ny Tsy Mety​—Tari-dalana Azonao Itokisana.”

•   Lahatsoratse tihoe “Afake Magnampe Antikagne Hahay Handefetse ty Baiboly.”