Maro ty ndaty mieretseretse tie tsy misy fomba azo andaminagne ze olagne hiseho magneran-tane amy ty taogne 2024 toy. Faie misy raha azo tamaegne vao?

 Mampitamà ty Baiboly fa hagnafake ze olagne mahavy ty fiaignantika ho tsy misy raha tamaegne ty Andrianagnahare. Tsy ho ela le ‘hofafa’e ze ranomaso amy ty masontika, sady tsy hisy sasa ty fate, ty alahelo ndra ty toreo ndra ty fanaintaignagne.’​—Apokalypsy 21:4.

•   Naho te hahazo fagnazavagne fagnampe’e miomba ty raha ampitamae ty Baiboly miomba ty hoavy rehe, le vakio ty lahatsoratse tihoe “Mbola Hihatsara ve ny Fiainana Amin’ny Hoavy?”

 Magnomey raha tamaegne antika miomba ty hoavy ty Baiboly, le izay ty magnampe antikagne mba handrese ty hakiviagne naho hifantoke amy ty lafesoan-draha avao. (Romanina 15:13) Afake magnampe antika hahavita hiatreke ze olagne atrehentikagne amy izao ka ty toroheve ty Baiboly, agnisa izay ty fahantragne, ty tsy rare’e naho ty aretegne.

•   Nagnampe ty lahilahy raike toy hilamin-tsaigne naho ho sambatse ty fampitamà ty Baiboly ndra tie nahantra aza iareo. Henteo ty video toy mba hahatreava’o izay: Juan Pablo Zermeño: Natao i Jehovah Misy Dika’e ty Fiaignako.

•   Akore ty azo ty Baiboly agnampeagne azo naho mahatsapa ho tsy misy dika’e rehe, malahelo, minekoneko ndra namoe longo tsy foen-troke? Vakio ty lahatsoratse tihoe “Misy Hevetse Afake Mampahery Ahy vao ty amy Baiboly Ao?”

•   Mareho ka ty fomba nagnampea ty Baiboly ty ampela raike nimaramila toy. Nihevetse ty tegna’e “ho tsy misy dika’e naho tsy misy mpidare” reke faie nagnampe aze hanan-draha tamaegne ty fianara’e Baiboly. Henteo ty video tihoe Navelako ny Basiko.

 Lonike ty taogne 2024 toy mba hagnampe anareo keleian-draike hanan-draha tamaegne. Ianaro ty fomba azo ty Baiboly agnampeagne anareo. Mangataha hianatse Baiboly maimaim-poagne ama’ay. Mareho ty fomba agnampean’Andrianagnahare anareo mba “hanagne fiadanagne” amy izao, sady “hanagne hoavy soa naho raha tamaegne.”​—Jeremia 29:11.