Afake nanao fitoriagne tsy mifamotoagne tamy i ampela Samaritanay ty Jesosy satria nahay nanombo-drehake tama’e. Akore ty azontikagne agnasoagne ty fahaiantika manombo-drehake?

• Toko’e ho soa fagnahy rehe naho fa mirehake amo o ndatio. Ndra tie rerake ty Jesosy, le nikezake nanombo-drehake reke tamy ty fangatahagne rano. Azo’o atao ty manalama, le mirehake miomba ty toetoe i androy, ndra ze raha misy amy hinane zao. Ko haligno fa ty tanjogne voaloha’e, le ty hanombo-drehake. Mirehafa foto-kevetse va’e hahaliagne i ndatỳ naho fa avy eo. Ndra tie tsy mamale reke, tsy ho montso antoke rehe. Oharo amy ty ndaty hafa ka i natao’o teoy. Mangataha herim-po amy i Jehovah.—Ne 2:4; As 4:29.

• Mikezaha mba hampita i talily soay faie ko meke. Engao hahavy aze hahazo aigne soa i rehake ifanoa’areoy. Va’e hivali-doha i ndaty naho seré’o sady tsy hitohy sasa i rehakey. Ko kivy naho tapake avao i rehakey fa tsy afake nitory rehe. Naho mbe sarotse ama’o ty manao fitoriagne tsy mifamotoagne, le ndra leo mifampirehake avao hey fa mbe tsy mitory. [Alefaso i video voaloha’ey sady iharò midineke.]

• Azo’o atao ty mirehake ty finoa’o agnate i rehake ifanoa’areoy. Va’e hahavy i ndatỳ hangatake fagnazavagne zay. Nirehake raha mahagaga ty Jesosy, le izay ty nahavy i ampelay nametrake fagnonteneagne. Tamy ty fara’e reke nirehake i talily soay mba hamaleagne i fagnontenea’ey. [Alefaso i video faharoey sady irahò midinike. Afara izay le alefaso i video fahateloy sady iharò midineke.]