NAGNINO ZAY RO PALIAEGNE? Mipay ty maregne miomba an’Andrianagnahare ty ankamaroa ty ndaty liagne amy ty hafatse miomba i Fanjakagney. (Is 55:6) Tsy maintsy miherenkeregne ama’e agne tikagne naho te hampianatse iareo. Tsy mitovy ty olagne atrehe o ndaty liagneo, le arakarake izay ty hagnampeantikagne aze. Faie hahomby tikagne naho miomagne soa sady toko’e hanagne tanjogne isake tie mitilike aze. Ty hanomboke fampianaragne moa ro tena tanjontikagne.

TY FOMBA FANOAGNE AZE:

• Miheregna tsy ela andro tsiampeampe afara i fitoriagney.—Mt 13:19

• Mikezaha mba hihehe naho hagnaja ndaty sady ho tony

• Salamao soa i ndatỳ. Tognono ty agnara’e. Tiahio ama’e ty anto’e iheregna’o. Ohatse zao, mba hamale i fagnonteneagney, hagnatetse gazete fara’e, hampiseho i tragnom-porarontikagney, handefa video, ndra hampiseho ty fomba fianaragne Baiboly. Mahaia mampifagnara-draha naho misy raha hafa mahaliagne aze.—Fi 2:4

• Tondraho i voa ty hamarenagne nitongisegne tam-po’e taoy, ty dika izay, irehafo hevetse ara-baiboly reke sady meo boke ndra gazete naho ilae’e. (1Ko 3:6) Anò ze hifankahazoagne am-po ama’e

• Rehafo ama’e ty raha horehafe’areo amy ty magnarake