Rehake Mampizilike ty Fizaràgne 3
Mirehake ty Baiboly fa tsy ampe avao ty ndaty nanompo i Jehovah tafara i Safodranoy. Agnisa izay ty Abrahama. Nataon’Andrianagnahare tihoe ragne’e reke. Ino ty anto’e? Naho managn’anake rehe, le anò fanta ty ana’o fa tea aze vata’e naho te hagnampe aze ty Jehovah. Afake mangatake fagnampeagne amy i Jehovah tikagne manahake ty natao ty mpanompo i Jehovah tsy nivalike. Agnisa izay ty Abrahama, i Lota naho i Jakoba. Afake matoky ka tikagne fa tsy maintsy ho avy eo ze raha nampitamàe i Jehovah.
TY FIZARAGNE TOY
LESOGNE 7
Ty Tragno Abo Bey i Babela
Tapa-kevetse ty hamboatse tanàgne misy tragno abo bey mitakatse i lagnitsey o ndatio. Faie nagnino ty Jehovah tsy nampitovy ty fireha iareo?
LESOGNE 8
Nankatò i Jehovah ty Abrahama Naho i Saraha
Ino ty nahavy i Abrahama naho i Saraha namoe ty fiaigna iareo ta Ora tagne, le nandeha ta Kanana agne?
LESOGNE 9
Ela ty Ela Ta Nanagn’Anake!
Akore ty nampahavia i Jehovah i fampitamà’e tamy i Abrahamay? Ia amo o ana-dahi’eo ty voakasike amy izay? Isaka sa Ismaela?
LESOGNE 10
Tsiarovo i Valy i Lotay
Nampipoha i Jehovah afo naho solifara ty ta Sodoma naho Gomora tao. Nagnino o tanàgne reo ro rinava? Nagnino tika ro toko’e hahatsiaro i valy i Lotay?
LESOGNE 11
Fitsapam-pinoagne
Hoe ty Jehovah tamy i Abrahama: ‘Ento ajafady o ana’o bakotokagneo, le anò sorogne ho ahy.’ Akore ty hiatreha i Abrahama ze fitsapam-pinoagne zay?
LESOGNE 12
Nahazo Lova ty Jakoba
Nanagn’anake hambagne roe lahy atao tihoe Esao naho Jakoba ty Isaka naho i Rebeka. Natokagne hoahy i Esao i lovay satria i reke ty zoke’e. Nagnino ro tsy nidarea’e ze lova zay fa ndra natakalo’e vagnemba?
LESOGNE 13
Nilongo Indraike ty Jakoba Naho i Esao
Akore ty nahazoa i Jakoba tsipe rano tamy i anjelỳ? Sady akore ty nilongoa’e tamy i Esao?
