LESOGNE 45
Ino ty Dika Tihoe Tsy Manohagne ty Tontolo Toy?
Nirehafe i Jesosy i mpanonjohy ty lia’e rey mba “tsy ho agnisa ty tontolo toy.” (Jaona 15:19) Tihoe tsy agnisa ty tontolo toy, le midika fa tsy mandrambe anjara amy ty politike naho amy ty aly. Naho ty maregne, le tsy mora ty manao izay satria va’e hitsikike antikagne o ndatio. Akore ty ampisehoantikagne tie tsy manohagne ty tontolo toy tika sady tsy mivalike amy i Jehovah Andrianagnahare?
1. Akore ty fihevera ty tena Kristiana o fitondram-panjakàn’olombelogneo?
Magnaja o fitondram-panjakagneo ty tena Kristiana. Nirehake ty Jesosy tie “Aloao amy i Kaisara ze ahy i Kaisara.” Magnorike izay tikagne, le mankatò ze lalàna amy i firenena misy antikagney ao. Manao izay ohatse tika naho mandoa ty hetra toko’e haloantikagne. (Marka 12:17) Mirehake ty Baiboly fa mbe engà i Jehovah hitondra o fitondran’olombelogneo kanao mbe eo. (Romanina 13:1) Faie fantantikagne fa misy fetra’e avao ty fahefà o ndaty mpitondrao. I Andrianagnaharentikagney avao naho i Fanjakà’e an-dagnitse agney ty tamaentikagne hamaha ze olagne mahazo o ndatio.
2. Akore ty ampisehoantikagne fa tsy manohagne ty tontolo toy tikagne?
Manahake i Jesosy tika, le tsy mizilike amo o politikeo. Naho fa nahatrea i fahagagagne natao’e rey ohatse o ndatio, le nitea iareo hatao mpanjaka reke faie tsy nagneke. (Jaona 6:15) Ino ty anto’e? Nirehake reke naho fa tafara tatoy tie: “Tsy agnisa ty tontolo toy ty Fanjakàko.” (Jaona 18:36) Mpiana i Jesosy tikagne, le maro ty fomba ampisehoantikagne tie tsy manohagne ty tontolo toy. Tsy mandeha mialy ohatse tika. (Vakio ty Mika 4:3.) Magnaja o saim-pirenenao tikagne, faie tsy mivavake ama’e ndra magnomey voninahitse aze. (1 Jaona 5:21) Tsy manohagne antoko politike ndra kandidà tika sady tsy manohetse iareo. Agnisa ty fomba ampisehoantikagne reo tie, tsy mivalike amy i Fanjakàn’Andrianagnaharey tikagne sady manohagne aze.
ANDAO HANDINEKE TY PITSOPITSO’E
Hodinehentikagne ato tie amy ty raha manao akore ro va’e ho sarotse amantikagne tihoe tsy manohagne ty tontolo toy. Sady ino ty azontikagne atao mba hampifale i Jehovah ty fanapahan-kevetse rambesentikagne.
3. Tsy manohagne ty tontolo toy ty tena Kristiana
Ohatse soa ho antikagne ty Jesosy naho i mpanonjohy ty lia’e rey. Vakio ty Romanina 13:1, 5-7 naho ty 1 Petera 2:13, 14. Naho fa avy eo, le alefaso i VIDEO oy, sady iharò midineke ty fagnonteneagne retoa.
-
Nagnino tikagne ro toko’e hagnaja o manam-pahefàgneo?
-
Akore ty ampisehoantikagne fa magnaja iareo tikagne?
Tamy ty fotoagne nisia o alio, le maro ty firenena nirehake tie tsy manohagne ndra ia ndra ia. Faie manohagne i firenena mialy rey ambalike avao iareo. Ino areke ty atao tihoe tsy miomba ty atia naho ty aroa? Vakio ty Jaona 17:16. Naho fa avy eo, le alefaso i VIDEO oy, sady iharò midineke ty fagnonteneagne toy.
-
Ino ty dika tihoe tsy manohagne ty tontolo toy?
Akore naho ampanoe o manam-pahefàgneo raha mifanipake amy ty lalàn’Andrianagnahare tikagne? Vakio ty Asan’ny Apostoly 5:28, 29. Naho fa avy eo, le alefaso i VIDEO oy, sady iharò midineke ty fagnonteneagne retoa.
-
Naho mifanohetse amy ty lalàn’Andrianagnahare ty lalà o fitondran’olombelogneo, ty aia ty toko’e horihentikagne?
-
Inogne amy ty raha také o manam-pahefàgneo ro tsy toko’e horihe ty Kristiana?
4. Ko manohagne ty tontolo toy ndra tie an-tsai’o agne avao naho amy ty raha atao’o
Vakio ty 1 Jaona 5:21. Naho fa avy eo, le alefaso i VIDEO oy, sady iharò midineke ty fagnonteneagne retoa.
-
Arake i video teoy, nagnino ty Ayenge ro tsy nagneke hizilike amy ty antoko politike ndra tsy nandrambe anjara amy ty fombafomba mampiseho hatea tanendrazagne, ohatse manangan-tsaigne?
-
Naho ty heve’o, mete vao ty natao’e?
Ino ka ty raha ila’e va’e hitsapa ty tsy fanohagnantikagne ty tontolo toy? Alefaso i VIDEO oy, sady iharò midineke ty fagnonteneagne retoa.
-
Akore ty ampisehoantikagne fa tsy manohagne ty tontolo toy tikagne naho fa magnente sporo?
-
Akore ty ampisehoantikagne fa tsy manohagne ty tontolo toy tikagne ndra tie misy voka’e amantikagne aza ty fanapahan-keve o mpanao politikeo?
-
Ino ty va’e ho voka’e naho tea magnente vaovao miomba ty politike tika ndra miarake amy ty ndaty tea mirehake miomba ty politike?
Amy ty raha manao akore iaby ty ampisehoa o Kristianao tie tsy manohagne ty tontolo toy an-tsai’e agne naho amy ty raha atao’e reke?
VA’E HISY TY HAGNONTANE TIE: “Nagnino nareo ie tsy manangan-tsaigne ndra tsy mihira hiram-pirenenao?”
-
Akore ty havale’o izay?
FAMINTIGNAGNE
Mikezake mafe o Kristianao mba tsy hanohagne antoko politike ndra an-tsai’e agne avao zay, ndra amy ty raha rehafe’e ndra amy ty raha atao’e.
Fameregnagne
-
Nagnino tikagne ro magnaja o manam-pahefàgneo?
-
Nagnino tikagne ro tsy manohagne ndra ia ndra ia amo o antoko politikeo?
-
Naho fa manao akore iaby ro va’e ho sarotse amantikagne tihoe tsy manohagne ty tontolo toy?
FAGNAZAVAGNE FAGNAMPE’E
Inogne iaby ty raha va’e hafoentikagne naho fa tsy manohagne ty tontolo toy tikagne?
Ino ty toko’e hatao o keleiagneo mialoha mba hiomanagne naho fa agne ty fotoagne hampisehoa iareo tie tsy manohagne ty tontolo toy?
Ko Miomba ty Atia Naho ty Aroa Ndra tie Misy Raha Sarotse Miseho Tampoke (4:25)
Tsy ty fiarova ty ndaty raike ty firenena misy aze ro voninahitse lahibey ho aze fa mbe misy ty ankoatse izay. Ino ty anto’e?
Akore ty ampisehoantikagne fa tsy agnisa ty tontolo toy tikagne naho fa mifily asa?
“Sambe Hinday ty Enta’e Iaby ty Tsikiraidraike” (Fitalakesan-davitse 15 Marsa 2006)
Va'e ho Tea'o Ka
FAGNONTENEAGNE FAPETRA O NDATIO
Inogne ty Atao Tihoe Fianaragne Baiboly?
Afake mampiasa ze Baiboly tea’o rehe naho fa mianatse Baiboly amy ty Vavolombelo i Jehovah. Maimaimpoagne i fianaragney sady afake taone’o hiarake hianatse ama’o ka ty keleia’o ndra ty ragne’o.
