Nitreantikagne tamy i lesogne taloha teoy fa tsy ze kila fivavahagne ro ekén’Andrianagnahare. Faie misy raha azontikagne atao mba hampifale aze ty fanompoantikagne aze. Akore ty atao mba hampifale aze ty fanompoantikagne aze? (Jakoba 1:27) Andao hodinehentikagne tie ino ty raha ampianare ty Baiboly.

1. Toko’e hifototse amy ty ino ty fanompoantikagne an’Andrianagnahare?

Toko’e hifototse amy ty Baiboly ty fanompoantikagne aze. Hoe ty Jesosy naho fa nivavake taman’Andrianagnahare: “Ty [saontsin’Andrianagnahare] ro hamarenagne.” (Jaona 17:17) Misy fivavahagne ila’e tsy miraharaha ty hamarenagne agnate ty Saontsin’Andrianagnahare ao, le ty Baiboly. Soloa iareo amy ty fampianara o ndatio naho o fomban-drazagneo io. Faie tsy ankasitraha i Jehovah ze ‘tsy midare ty lili’e.’ (Vakio ty Marka 7:9.) Mampifale ty arofo’e tikagne naho mifototse amy Baiboly ao ty fanompoantikagne aze sady magnorike ty torohevetse agnate’e ao.

2. Akore ty toko’e hanompoantikagne i Jehovah?

Fagneva ty hotompoegne ty Jehovah satria i reke ty Namorogne antikagne. (Apokalypsy 4:11) Ty dika izay, toko’e ho tea aze sady hivavake ama’e raike avao tikagne, fa tsy toko’e hampiasa sare ndra raha hafa naho fa mivavake ama’e.​—Vakio ty Isaia 42:8.

Tsy maintsy “masigne sady mahafale” i Jehovah ty fanompoagne ataontikagne. (Romanina 12:1) Ty dika izay toko’e hankatò ty fitsipi’e tikagne. Ze ndaty tea i Jehovah ohatse, le toko’e ho tea sady hagnorike ty lili’e miomba ty fanambaliagne. Toko’e hagnalavitse ty raha manimba ty vata’e ka iareo, agnisa izay ty fifohagne sigara ndra rongony ndra finoman-toake losotse. a

3. Nagnino tikagne ro toko’e hanompo i Jehovah miarake amy ty mpiara-mivavake amantikagne?

Afake ‘midera i Jehovah miarake amo o fiangonagneo’ tikagne naho fa mivory isan-keregnandro. (Salamo 111:1, 2) Midera an’Andrianagnahare ohatse tikagne naho fa mihira am-pivoriagne agne. (Vakio ty Salamo 104:33.) Tea i Jehovah tikagne, le risihe’e hivory sady fanta’e tie hagnampe antikagne hankamamy nainai’e o fiaignagneo zay. Mifampahery ka tikagne naho fa miarake mivory.

 ANDAO HANDINEKE TY PITSOPITSO’E

4. Tsy toko’e hampiasa sare tikagne naho fa mivavake

5. Ho afake amo o fampianaran-disò tikagne naho manompo i Jehovah raike avao

 6. Manompo an’Andrianagnahare tikagne naho fa mivory

Midera i Jehovah sady mifampahery tikagne naho fa mihira sady magnomey toin-drehake am-pivoriagne agne. Vakio ty Salamo 22:22, sady iharò midineke ty fagnonteneagne retoa:

• Nampahery azo vao ty toin-drehake nimey ty hafa tamy i rehe nagnatreke fivoriagne?

• Tea’o vao ty hagnomey toin-drehake naho fa mivory? Tea’o homanegne mialoha vao ty raha ho rehafe’o?

7. Fale ty Jehovah naho fa rehafentikagne amy ty hafa ty raha nianarantikagne

Maro ty raha azontikagne atao mba hirehafagne amy ty hafa ty hamarenagne agnate Baiboly ao. Vakio ty Salamo 9:1 naho ty 34:1, sady iharò midineke ty fagnonteneagne toy:

• Ino ty raha nianara’o amy Baiboly ao tea’o ho rehafegne amy ty ndaty hafa?

 FAMINTIGNAGNE

Mampifale i Mpamorogne antikagney tika naho fa manompo aze raike avao, midera aze am-pivoriagne agne sady mirehake amy ty hafa ze raha nianarantikagne.

Fameregnagne

• Aia ty isaontsian’Andrianagnahare amantikagne ty fomba tea’e hanompoagne aze?

• Nagnino tikagne ro toko’e hanompo i Jehovah raike avao?

• Nagnino tikagne ro toko’e hanompo i Jehovah miarake amy ty ndaty te hampifale aze?