ASA AN-TSITRAPO Naho te hanao asa an-tsitrapo rehe, le mirehafa amy ze tinendre hiandraikitse o sampan’asa iohoe mba hanoroa’e azo ty asa hanoegne.

BADISA Toko’e hamonje ty fitobohagne natokagne ho aze ze hatao badisa naho Sabotsy maraindraigne, aloha ty hanomboha ty lahajaka i badisay. Sambe toko’e hinday akanjo tsy mahamegnatse naho lambahoany nareo.

FAGNOMEZAGNE Maro ty drala nilaniegne hagnasoàgne ty havoriambey toy mba hahavy antikagne hiharine i Jehovah. Agnisa izay ty nilany nanoagne seza naho parilera (sonò) vaho ekran. Magnampe amy ty fagnoneragne ze raha nilany ty fagnomezagne atao’o naho hampandroso ty asa i Fanjakagney. Misy boate maro nanoegne hisia’o ze drala foe’o. Isaoragne rehe nagnomey. Afake manao fagnomezagne amy ty alala ty Internet amy donate.jw.org ao rehe. Tombotsoa lahibey ty fanoagne fagnomezagne. Misaotse azo ka ty Filan-keve-pitantanagne amy ty fatariha’o hanohagnagne ty asa i Fanjakagney.

FISIAGNE ZE RAHA MONTSO NAHO ZE RAHA TREA Toko’e handesegne amo o sampan’asa iohoe ze raha trea. Mandehana mbamo o sampan’asa iohoe mbeo rehe naho nimontso raha, le paliao ao i raha’o nimontsoy. Toko’e handesegne agne ka ze ajaja montso. Faie tsy toko’e hatao fitezagne ajaja ty ao. Ko engagne hisintake azo ty ana’o.

FITOBOHAGNE Omeo fitobohagne ty ndaty ila’e. Ze miharo lia naho ze miharo tragno vaho ze mpiana’o Baiboly avao ro itano fitobohagne. Ko isiagne entagne ze seza tsy hitoboha’o, amy izay itoboha ty ila’e.

FITSABOAGNE MEKE Ko haligno fa ze mipay fitsaboagne meke avao ro mahazo mandeha mbeo.

MPANDRAMBE AMBAHINY Tinendre hagnampe azo iareo. Faie mangatake ajafady ama’o tsy hizizo naho fa toroa iareo ty hisy azo. Agnate izay ka ty raha indese’o, ndra tognabile, ndra bisikileta, ndra motò, ndra sarete.

Sekoly ty Mpitory i Fanjakagney Hisy fivoriagne hoahy ze te hagnatreke o sekoly iohoe naho Lahady folakandro. Agnambaragne hagnatreke aze ze mpisava lalagne, 23 taogne hatrake 65 taogne sady te hampitombo ty fanompoa’e. Mbe horehafegne avao ty lera’e naho ty hisiagne aze.