Ze raha rehafe ty Baiboly miomba ty fanambaliagne naho ty fisaraham-panambaliagne ro orihe’ay. Andrianagnahare ty namorogne lahilahy naho ampela ho mpivaly sady tea’e haharetse ty fanambalia iareo. Ty fijangajangagne avao ro rehafe ty Soratse Masigne fa anto’e ahafahagne misaram-panambaliagne.​—Matio 19:5, 6, 9.

 Eka. Intoa misy fomba agnampea’ay ty mpivaly:

•   Boke naho gazete: Misy lahatsoratse magnampe ty mpivaly hifankatea ty amy ireo ao, ndra tie mpivaly fa hisarake aza. Henteo ohatse, ty lahatsoratse tihoe “Aoka Ianao Hitana ny Voady Nifanaovanareo”, “Mahaiza Mifamela”, vaho tihoe “Mbola Hifampatoky Indray ve Izahay?”

•   Fivoriagne: Mandineke hevetse boake amy Baiboly ao tena azo ty mpivaly ampiharegne zahay amy ty fivoria ty fiangonagne naho ty havoriambei’ay.

•   Androanavi-pagnahy: Afake magnampe ty mpivaly ka ty androanavi-pagnahy ty fiangonagne satria atoro’e iareo mirovaly ty andinin-teny azo iareo ampiharegne, ohatse zao ty Efesianina 5:22-25.

 Aha’a. Mete hisy mpivaly hangatake ty hampea ty androanavi-pagnahy satria managne olagne iareo mirovaly. Faie tsy anjara i androanavi-pagnahỳ ty mirehake amy iareo mirovaly tie inogne ty toko’e hatao iareo. (Galatianina 6:5) Mete hifily ty hisaram-panambaliagne ty Kristiana raike ndra tie tsy mifagnarake amy ty Soratse Masigne aza ty anto’e isaraha’e. Naho izay, le tsy azo omeagne tombotsoam-panompoagne amo o fiangonagneo eo reke sady tsy mahazo manambaly indraike.​—1 Timoty 3:1, 5, 12.

 Mirehake ty Baiboly tie tsy toko’e hisarake ty mpivaly ndra tie misy olagne aza. (1 Korintianina 7:10-16) Maro ty olagne azo alamigne naho mivavake mafe iareo mirovaly, mampihatse ty toro lala ty Baiboly, naho mifaneho hatea.​—1 Korintianina 13:4-8; Galatianina 5:22.

 Misy Kristiana manapa-kevetse ty handeha lefa naho fa tsy misy azo’e atao. Ohatse amy izay tihoe:

•   Tsy magneke hamelogne ty keleia’e i vali’ey.​—1 Timoty 5:8.

•   Tea mijera reke sady fa losotse ty jera atao’e.​—Salamo 11:5.

•   Misakagne aze tsy hifandrambe aman’Andrianagnahare i vali’ey. Naho seré i vali’e handika ty lilin’Andrianagnahare ohatse i Vavolombelogney, le mete hanapa-kevetse reke tie aleo misarake, amy izay afake magnorike i raha rehafe ty Baiboly tihoey: “Andrianagnahare ro mpitondra anay le ie ro orihe’ay, fa tsy ndaty.”​—Asan’ny Apostoly 5:29.