Tea mirehake ty raha inoa’ay amy ty ndaty boake amy ty fivavahagne hafa zahay Vavolombelo i Jehovah. Faie tsy manao fotoam-pivavahagne iraisam-pinoagne zahay, ty dika izay tsy miarake mivavake amy ty fivavahagne hafa. Mirehake ty Baiboly fa ‘miharo raike sady miara-miasa’ ty tena Kristiana. Faie tsy ho tanterake zay naho tsy mitovy ty raha inoa iareo. (Efesianina 4:16; 1 Korintianina 1:10; Filipianina 2:2) Toko’e hagneke ty tena Kristiana fa tena ilaegne ty toetse tihoe hatea, mahay mitretré, mahay mamela heloke. Faie tsy ampe zay fa toko’e hioregne soa amy ty fahalalagne maregne boake amy Baiboly ao ka ty raha inoa iareo. Naho tsy izay le tsy hisy dika’e. Mioregne amy ty fahalalagne maregne soa boake amy Baiboly ao areke ty raha inoa’ay.​—Romanina 10:2, 3.

 Mirehake ty Baiboly fa tsy toko’e hiarake hivavake amy ty fivavahagne tsy mitovy finoagne ama’e ty tena Kristiana. Mitovy amy tihoe miharo baogne amy iareo zay, ie amy izao tsy mifandanja i baogney. Va’e hanimba ty finoa o tena Kristianao zay. (2 Korintianina 6:14-17) Tsy nengà i Jesosy hiharoharo amy ty fivavahagne hafa areke o mpiana’eo. (Matio 12:30; Jaona 14:6) Tsy nahazo niarake nivavake tamy ty firenena magnodidigne iareo ka o Israelitao, arake ty lalàna i Mosesy. (Eksodosy 34:11-14) Tsy nagneke hampianare o ndaty tsy mitovy finoagne ama’eo ka o Israelita tsy nivalikeo naho fa tafara tatoy. Satria va’e hahavy iareo hiarake hivavake amo o ndaty rehoe zay.​—Ezra 4:1-3.

 Eka. Nandany 1 791 490 713 lera ohatse zahay tamy 2023, mba hirehafagne ty raha inoa’ay tamy ty hafa. Te hahafantatse ty heve o ndatio naho ty raha inoa’e zahay naho fa mitory, mitovy amy ty natao i apostoly Paoly. (1 Korintianina 9:19-22) Mirehake ty Baiboly tie tena ilaegne ty ‘magnaja amy ty fomba feno’ ze raha rehafe o ndatio. Mikezake mampihatse izay zahay, naho fa mirehake ty raha inoa’ay amy ty hafa.​—1 Petera 3:15.