NISY NAMOROGNE VAO?
Ty Fomba Fitiligna ty Voa o Agna-mafaitseo
Miambake ty fomba fitiligna ty voa o agna-mafaitseo. Amy i folera’ey ey ty ipiteha o voa’e iohoe. Ie naho fa tiofe i tiokey ty loha o agna-mafaitseo le indese i tiokey i voa’ey. Ndra tie fa kele tsy ho poke an-tane eo aza ty ila’e ama’e naho fa indesa i tiokey, le mbe afake mihevaheva amy tiokey ey avao, sady mbe mahavita mandeha kilometatse raike ndra mahery izay. Ino ty mahavy iareo mahavita mijanogne ela bey amy i tiokey ey? Vaho tsiela o mpahay siansao ro nahatrea fa noho ie mahity soa ty fomba fitiligna’e sady mahavita mitiligne lavitse, miheregne inem-patse amy ty raha vita o parachutao ndra o raha findese o ndatio mitiligneo, ty anto’e.
Dineho moa tie: Mihantogne amy ty lengo ty taho i agna-mafaitsey ty voa’e tsikiraidraike. Ahatreavagne raha hoe volomborogne atao tihoe papus mipiteke amy ty voa’e tsikiraidraike. Le i raha hoe volomborogney ty magnampe i voa’ey mba hijanogne ela amy i tiokey ey.
Rehafe o mpikarokeo tie i tioke miforogne ambone i raha hoe volomborogneỳ ty mahavy ty voa o agna-mafaitseo afake mijanogne ela amy tiokey ey
Faie tsy izay avao, fa misy tioke maro miforogne ty ambone i raha hoe volomborogney ey. Ie naho fa mihodikodigne ambone’e ey i tiokey, le aonjo’e i raha hoe volomborogney. Izay ty mahavy ty voa o agna-mafaitseo mahavita mihevaheva ambone ey sady ela vaho mipoke an-taneo.
Milamigne soa ka i raha hoe volomborogne rey, le manjare mahity soa ty fomba fitiligna i voay sady afake mijanogne ela ambone ey mandikoatse ty vita o parachutao. Ty folo isan-jato amy ty voa o agna-mafaitseo avao ty ahatreavagne i raha hoe volomborogney fa ty ila’e tsy ahatreavagne izay. Tsy ampe avao areke ty fitaovagne ampiasae’e mba hitiligna’e.
Te hitsikombe ty fomba fitiligna ty voa o agna-mafaitseo o mpahay siansao, le te hamboatse fitaovagne kedekedeke afake mitiligne amboney. Faie kede avao ty baterỳ paliae o fitaovagne iohoe mba hahafaha’e mitiligne ndra tena tsy mipay baterỳ. Maro ty raha azo ampiasàgne o fitaovagne kedekedeke afake mitiligne amboney io, ohatse, hagnenteagne ty fahaliova i rivotsey.
Hagnente ty fomba fitiligna ty voa o agna-mafaitseo
Akore ty heve’o? Niaviavy avao vao sa nisy namorogne ty fahaia ty voa o agna-mafaitseo mitiligne lavitse naho mijanogne ela amy i tiokey ey?
Va'e ho Tea'o Ka
NISY NAMOROGNE VAO?
Mahatante Fitonta ty Holy o Pamplemosio—Nisy Namorogne Vao?
Ino ty eretserete o mpahay siansao hatao naho fa nitrea iareo tie mahatante fitonta o pamplemosio?
NISY NAMOROGNE VAO?
Ty Fahaia o Tandrato Mpanjakao Mifindra Monegne—Nisy Namorogne Vao?
Ty fahaia o tandrato mpanjakao mifindra monegne vao tsy magnaporofo tie nisy namorogne reke?
FAMPIANARAGNE BAIBOLY
Nisy Namorogne Vao ze Kila Raha?
Maro ty ndaty tsy mahazo ty raha rehafe ty Baiboly ndra mihevetse aze ho talily avao. Tena maregne vao ty raha rehafe ty Baiboly?