Programa atu lee Bíblia
Bíblia iha matenek neʼebé diʼak tebes ba moris. Se Ita lee beibeik, medita no aplika buat neʼebé Ita aprende, ‘Ita sei hetan susesu iha Ita-nia dalan sira’. (Josué 1:8; Salmo 1:1-3) Ita mós sei hatene Maromak no ninia Oan-Mane Jesus, no koñesimentu neʼe bele lori Ita atu hetan salvasaun.—João 17:3.
Oinsá mak Ita bele hahú lee Bíblia? Iha dalan oioin. Programa lee Bíblia neʼe bele ajuda Ita atu lee tuituir malu livru ida-idak ka hili tuir tópiku. Porezemplu, Ita bele lee oinsá mak Maromak dirije povu Izraél. Ka Ita bele lee kona-ba oinsá mak kongregasaun Kristaun iha tempu uluk komesa harii. Se Ita lee kapítulu balu loron-loron, Ita bele lee Bíblia tomak iha tinan ida nia laran.
Se Ita buka daudaun programa kona-ba lee Bíblia loron-loron, tinan ida nian, ka programa lee Bíblia neʼebé fasil liu atu halo tuir, programa lee Bíblia neʼe bele ajuda Ita. Bele download no print programa atu lee Bíblia, no koko hahú lee Bíblia agora kedas.
Karik Ita sei gosta
PERGUNTA KONA-BA BÍBLIA
Saida mak Ita bele halo atu komprende Bíblia?
Ita bele komprende kona-ba Bíblia nia mensajen neʼebé iha folin-boot.
PERGUNTA HUSI JOVEN SIRA
Oinsá mak Bíblia bele ajuda haʼu?—Parte 1: Deskobre Ita-nia Bíblia
Se Ita hetan kaixote antigu rikusoin nian, Ita sei hakarak atu deskobre saida mak iha laran ka lae? Bíblia mós hanesan kaixote rikusoin nian neʼebé iha buat murak barak iha laran.
