Iha kalan antes Jesus mate, nia haruka ninia dixípulu sira atu hanoin-hetan, ka komemora ninia sakrifísiu. Hodi uza paun neʼebé la iha fermentu no tua-uvas, Jesus hahú komemorasaun neʼebé agora ita bolu Naʼi nia Han-Kalan no nia fó mandamentu ba ninia dixípulu sira hodi dehan: “Kontinua halo ida-neʼe hodi hanoin haʼu.”—Lucas 22:19.

Tinan-tinan, Testemuña ba Jeová iha mundu tomak halibur hamutuk atu komemora Jesus nia mate. Iha tinan 2014, Testemuña ba Jeová sei halaʼo reuniaun espesiál neʼe iha loron-segunda, 14 Abríl, depois loro-matan monu.

Ami konvida Ita atu tuir reuniaun espesiál neʼe. Iha reuniaun neʼe sei esplika tanbasá mak Jesus nia sakrifísiu importante ba ita. Atu tuir reuniaun neʼe, Ita lalika selu no ami la husu ezmola. Ema neʼebé fó Ita revista neʼe bele fó-hatene ba Ita fatin neʼebé sei halaʼo reuniaun neʼe iha Ita-nia área, ka Ita bele loke ami-nia sítiu www.jw.org. Favór ida hakerek data neʼe iha Ita-nia kalendáriu no ami hein katak Ita sei tuir.